Exercicios de Ampliación

A fábrica de Multiláteros

Neste programa o que se pide e dibuxar un polígono regular onde o número de lados vai ser preguntado a traves da pantalla do ordenador. Tamén se poderá escoller o tamaño do lado.

polígonos

Obxectivos	Usar variables para almacenar datos dados Profundizar na interacción cos usuarios a traves do sensor pregunta Crear un algoritmo matemático (o que permite automatizar o cálculo dos ángulos dun polígono en función dos lados) e traducilo a un programa en Scratch
Obxecto	libre
Escenario	libre
Variables	dúas: lados (para almacenar a resposta de número de lados) e tamaño (para almacenar a resposta a pregunta de tamaño) (pódense por os nomes que se queira sempre que se recoñeza)
Para iniciar o programa
Comandos mínimos para facelo	Podes usar máis comandos, estos son os mínimos.

Truco 7

Cal é o algoritmo para debuxar automaticamente un polígono regular coñecendo o número de lados

Retroalimentación

Por un lado temos a orde repetir. No cadrado que xa fixeches, como tiña 4 lados repites 4. No triángulo que ten 3?, e no pentágono?, e o tetracontágono (40 lados)?

Ademais de iso hai que coñecer que relación existe entre o número de lados do polígono e o ángulo de xiro necesario para debuxar o seguinte lado. O cadrado que xa o debuxaches, tiña 4 lados e 90º de xiro.

ángulo cadrado

O triángulo que ten 3 lados. Intenta debuxar (no Scratch) o triángulo que ten 3 lados, o pentágono que ten 5 e o hexágono que ten 6.

Nesta imaxe aparecen os ángulos interiores do triángulo e o pentágono, para ter unha pista:

ángulos triángulo e pentágono

Xa os debuxaches? Agora cubre a seguinte táboa:

figura	número de lados	ángulo interior	ángulo de xiro
triángulo	3	60º
cadrado	4	90º	90º
pentágono	5	108º
hexágono	6

Fai a multiplicación da columna 2 (número de lados) pola columna 4(ángulo de xiro). Que pasa?

Entonces poderemos escribir unha operación matemática que relaciona o ángulo de xiro co número de lados do polígono. Cal é?

Proba para mago aprendiz

Neste programa trátase de facer un xogo que ten por obxectivo acertar o número que está pensando a figura do programa en varias oportunidades.

Aprendiz de mago

Para realizar este programa por un lado vas ter unha variable que será o número que "pense o programa" (usamos o comando número o chou entre 1 e 10, ou 20, ou 30 ... para simular o pensamento, ) e outra variable que será o número de oportunidades, que empezará no número que decidas darlle de intentos (3, 4..) e irá diminuindo de cada vez que se diga un número.

Imos ter dúas condicións para acabar o programa:

Ou ben acertas o número (gañarías e entraría o escenario de gañar) ou ben as oportunidades son igual a cero, polo que perderáis e entraria o escenario de perder). Para definir que cando se de unha condicón ou a outra imos usar a función lóxica "ou".

As funcións lóxicas son aquelas que solo teñen dous valores (si ou non, 0 ou 1, aceso ou apagado..) . As básicas son "e", "ou" e "non"

Obxectivos	Usar o comando do numero ao chou para xerar o número que hai que acertar Interacción co sendor de pregunta/resposta Uso da función lóxica "ou" para poñer no comando repetir ata Uso da variable decrecente (partes dun valor diferente a cero e chegas aí)
Obxecto:	Un, libre (en vez de ser un mago aprendiz podes plantear outro reto)
Escenario	Tres escenarios libres	un onde se desenvolve todo o programa Un para cando se perde un para cando se gaña
Para iniciar o programa
Comandos mínimos para facelo

Truco 8

Como facemos decrecer unha variable

Truco 9

Como crear unha condición para cando ou ben pase unha cousa ou outra cousa

Retroalimentación

Para definir que cando se de unha condición ou a outra algo pase no program úsase a función lóxica "ou":

As funcións lóxicas operacións lóxicas son aquelas que como resposta solo poden ser verdadeiras ou falsas . As básicas son "e", "ou" e "non". Funcionan da seguinte maneira:

E : Será verdadeira cando se cumpren todas as condicións que se piden. Por exemplo: Poderei ir a festa se "aprobo todo" e "lévame alguén. Irás a festa (verdadeiro) sempre que pasen as dúas condicións, se non aprobas (condición falsa) xa non iras, pero si aprobas e non te leva(condición falsa) ninguén tampouco iras.

Ou : Será verdadeira se se cumpre algunha das condicións pedidas. Por exemplo: Podo ir a festa (verdadeira) se me levan ou se collo o bus, con tal de que algunha das dúas condicións sexa verdadeira, poderei ir a festa.

Non : Será verdadeira cando non se cumpla a condición dada. Por exemplo: irei a festa se non chove. É dicir se chove é falso (isto significa que non chove), poderei ir a festa.

Están situadas nos operadores, como indica a súa cor verde.