Tanto neste apartado como nos posteriores, o reto proposto está estruturado analizando puntos fundamentais:
- Hardware, parte física do robot involucrada na misión.
- Software, comandos e programas necesarios para levala a cabo con éxito
E posteriormente se suxiren tarefas de ampliación do aprendido:
- Actividades propostas
- Actividades de ampliación
Sons: Facendo Música.
- HARDWARE: Zumbador
- SOFTWARE: Actuante de son no mBlock
- Actividades. Actividades de ampliación.
HARDWARE: Zumbador
Para facer música co noso robot Ranger, imos utilizar un dos seus Actuantes, o Zumbador; un compoñente electrónico que é capaz de emitir sons, transforma "electricidade" en son.
Na placa sitúase tal e como se ve nas dúas fotografías, fronte a conexión 10-9, podes ver a súa disposición nunha placa coa carcasa de plástico posta e outra placa sen carcasa e sen o panel de anel de leds:
|
Sen carcasa
|
Con carcasa
|
Podemos programar o robot a través do mBlock para que o zumbador emita notas durante un tempo determinado.
SOFTWARE: Actuante de son no mBlock
O programa mBlock utiliza para notas musicais a nomenclatura inglesa ou americana. Na seguinte táboa podes ver a correspondencia entre elas, por exemplo: a nota musical "DO", chámase "C" en Inglaterra.
|
Sistema ESPAÑOL |
INGLÉS ou AMERICANO |
|---|---|
| DO | C |
| RE | D |
| MI | E |
| FA | F |
| SOL | G |
| LA | A |
| SI | B |
Na linguaxe mBlock existe un comando específico para o zumbador, permite modificar as notas, as oitavas e a súas duracións no tempo, co que non hai melodía que se resista.
Na seguinte táboa está especificado o seu uso.
| Código |  |
|
Notas e Oitavas: Se premes na frecha das notas aparece todas as posibilidades para que escollas. |
 |
|
Duración das Notas Premendo na frecha de "pulsación" aparece o tempo durante o que estarán soando as notas. |
 |
Con todas estas combinacións podemos realizar un sen fin de melodías.
