Edición de imaxes con GIMP
| Sitio: | Aula virtual |
| Curso: | Informática 4º ESO IESEBA 1415 |
| Libro: | Edición de imaxes con GIMP |
| Imprimido por: | Invitado |
| Día: | miércoles, 27 de noviembre de 2024, 15:12 |
Descripción
Prácticas de edición de imaxe vectorial con GIMP.
Seguro que tedes oído que moitas das fotografías dos famosos antes de ser publicadas nas revistas son retocadas con PhotoShop que é un software de retoque fotográfico ou de edición de imaxe comercial propiedade de Adobe e, polo tanto, que é necesario mercar para empregar.
Pois resulta que non é preciso nin mercar nin "piratear" un software comercial para poder facer unha edición profesional dunha imaxe, neste tema ides coñecer un pouco as posibilidades de GIMP. Pódelo descargar aquí (comproba o Sistema Operativo que tes no teu equipo primeiro) pero fíxate nesta imaxe para saber onde clicar:
A continuación tes as Tarefas de Edición Fotográfica con GIMP.
Ao final de cada unha tes o enlace para entregala neste AV, convén que a leas antes de comezar a traballar porque pode haber instrucións non desenvolvidas na exposición da mesma.
- Podes sustituir as imaxes propostas por outras da túa propiedade sempre que non inclúan imaxes de menores e se saes ti debes indicar na entrada do blog onde publiques o traballo que contas coa autorización dos teus pais. Na entrada do blog referenciarase correctamente (título-autor-licencia).
- Podes sustituir as imaxes propostas por outras con licencia Creative Commons que permitan ser modificadas. Na entrada do blog referenciarase correctamente (título-autor-licencia-enlace á imaxe orixinal)
Gimp 1
Coa fotografía "rostro 1.jpg" realiza un cambio de cor de ollos, eliminado de arrugas e branqueado de dentes tal e como se describe no pdf de axuda "mejora fotográfica del rostro.pdf".
Garda no teu álbum público de G+ estas 3 imaxes:
- A imaxe orixinal.
- A imaxe retocada (cada equipo fai unha e cada membro a personaliza engadíndolle o seu nome -sen apelidos- na zona inferior dereita do seguinte xeito: nome_1415)
- O collage (podédelo facer con Picasa, PicMonkey ou calquera outra aplicación, AQUÍ tedes algunhas opcións) que conteña as dúas imaxes.
- TEF_06: Retoque do rostro.
Gimp 2
Realizaredes unha fotomontaxe coas imaxes "cabritas.jpg" e "paisaje.jpg" coa axuda do pdf "instrucciones fotomontaje GIMP". Trátase de insertar o mozo coas dúas cabritillas na escea da paisaxe.
Garda no teu album de G+ estas 4 imaxes:
- A imaxe das cabritillas.
- A imaxe da paisaxe.
- A imaxe da fotomontaxe (unha por equipo e cada un a personaliza inserindo o seu nome na zona inferior dereita)
- Collage personalizado -cada un a súa- coas tres imaxes anteriores (a fotomontaxe será máis grande que as outras dúas) e co seguinte texto: nome_1314.
- TEF_07: Fotomontaxe.
Gimp 3
Cada alumno realizará unha caricatura do Doctor House partindo da imaxe subministrada.
Garda no teu álbum público de G+ estas 3 imaxes:
- A imaxe orixinal do doctor House.
- A caricatura realizada e que inclua o texto: nome_1314.
- O collage das dúas imaxes.
Aquí podes ver unha das caricaturas do doctor House:
- TEF_08: Caricatura.
Gimp 4
Cada alumno realizará unha animación (gif animado) coa caricatura feita na tarefa anterior.
Garda no teu álbum público de G+:
- O gif animado.
Aquí tedes un gif do curso pasado:
- TEF_09: Gif animado.
Gimp 5
Escolle unha imaxe Creative Commons que permita ser modificada relacionada co tema do teu blog e manipulaa de xeito que conteña 5 diferencias coa orixinal.
Garda no teu álbum público de G+:
- A imaxe orixinal.
- A imaxe retocada (cada alumno fai a súa e rotula o seu nome do seguinte xeito: nome_inforeba1415)
- O collage feito con Picasa que conteña as dúas imaxes.
- A imaxe coas solucións (círculos de cor vermella arredor das diferencias sobre o orixinal ou sobre a imaxe editada).
- TEF_10: As 5 diferencias.
Enunciado en preparación.
Nesta primeira experiencia co StopMotion no IESEBA pretendemos unha actividade de exploración e recollida de experiencias, polo tanto teredes poucas pautas a seguir, mellor dito poucas pautas concretas pero sí todas as que se vos ocurran.
Básicamente imos traballar cun gif animado editado en GIMP e de xeito resumido unha opción sería:
Realizar unhas 30 fotos duns obxectos inanimados que forman unha escena e aos que lles cambiades a súa posición entre foto e foto. Con estas fotos obteremos un bucle de 3 segundos aproximadamente. O máis importante será ter un escenario ben iluminado e a cámara fixa nun trípode.
Tamén podes empregar plastilina, obxectos recortados, debuxos en area, nun papel ou nunha pizarra, ..., ou todo mesturado.
Seguindo o titorial anterior e empregando Gimp Belé, Gumer e eu fixemos este pequeno BAG.gif que o noso profesor Tonecho retocou para quedar deste xeito, ábreos co GIMP como capas e verás os fotogramas e a súa duración.
Outras formas de enfocar a tarefa:
- Movie Maker para Windows.
- iMovie para Mac.
- Monkey Jam para Windows.
- Frame by Frame para Mac.
Eiquí tedes dos exemplos cos seus titoriais:
- Con MovieMaker (vídeo en YouTube, 2:43)
- Con Vimeo (3:13)
Consellos:
- Cámara fixa con trípode.
- Non utilizar flash nin superficies moi reflectantes para evitar brillos indesexados.
- Poñer a cámara en resolución baixa para que o vídeo non pese moito. (Logo pódese baixar o tamaño das imaxes no Gimp)
- Planificar a escea tendo en mente cada un dos fotogramas aínda que é mellor facer un storyboard (imprescindible se traballades en equipo) que non ten que ser moi detallado, como un croquis secuenciado.
Outros enlaces interesantes:
Presentación: http://graffica.info/stop-motion-master-bau/
Unha alternativa á realización de fotografías é debuxar en 3D con SketchUp, gardar imaxes como se fosen fotogramas e logo montalas no Gimp como neste exemplo.
Blog TYPE IN MOTION de educaBarrié con diversos Stop-Motion.
Explorar:
especialmente "Buenas Prácticas"
STOP MOTION NOW. Blog educativo audiovisual.