Neste apartado da aula virtual poderedes atopar recursos que vos axudarán nas decisións que teredes que tomar ao longo dos vosos estudos: sobre a ESO, o bacharelato, elección de materias, a ABAU, Universidade, Formación Profesional, bolsas de estudos, etc.
Recordade que se tedes calquera dúbida podedes vir polo departamento de orientación do instituto ou escribir un correo electrónico ao seguinte enderezo:
citaorientacion@iesblancoamor.com
Benvid@s ao Departamento de Orientación!
https://www.edu.xunta.gal/fp/
PRAZO DE SOLICITUDE DE ADMISIÓN A CICLOS FP GRAO MEDIO E FPGRAO SUPERIOR:
DO 23 DE XUÑO ÁS 9:00 AO 5 DE XULLO ÁS 13:00 horas. FINALIZADO.
Queres estudar un ciclo de formación profesional en Vigo ou en Ourense? A consellería convoca prazas de residencia nos Centros Residenciais Docentes de estas cidades para todas as persoas que queiran cursar estudos postobrigatorios. Nesta ligazón podedes consultar a convocatoria.
Se tes pensado facer un ciclo de formación profesional de grao medio ou superior é fundamental que teñas en conta os prazos das diferentes partes do proceso. O prazo de presentación de solicitudes abrangue do 23 xuño ás 9:00 ao 5 xullo ás 13:00 horas Neste documento aparecen os prazos para o réxime ordinario e o réxime de persoas adultas ou modular. Sé puntual!
Queres facer un ciclo de formación profesional para o vindeiro curso na modalidade dual? Aquí tes os prazos de todos os trámites que debes cumprir. A presentación de solicitudes abrangue do 23 xuño ás 9:00 ao 5 xullo ás 13:00 horas. Non te despistes!
Aplicando diferentes filtros (familia profesional, provincia, centro educativo, etc) poderás coñecer as notas de corte dos graos medio e superior e dos graos universitarios que se imparten en España. Recorda que estas notas son orientativas e non teñen porqué coincidir cas do próximo curso 22/23.
Oíches falar da FP Dual pero non sabes moi ben o que é? De xeito moi resumido, consiste en cursar un ciclo de formación profesional (de grao medio ou superior) nun centro educativo e nunha empresa ao mesmo tempo cobrando un pequeno soldo. Iso si, tes que ser maior de 18 anos. Mirando este cartafol poderás coñecer un pouco máis sobre a FP Dual.
Mapa no que poderás localizar todos os centros e ciclos onde se pode cursar a FP Dual en Galicia así como as empresas colaboradoras.
O mércores 30 e o xoves 31 de marzo de 16:00 a 20:00 horas, a UDC celebrou unhas xornadas de portas abertas virtual na que houbo vídeoconferencias de todas as titulacións de grao en directo con chats a través de Teams. Tamén se amosou a vida universitaria: residencias, cultura, deporte, emprego, cooperación e voluntariado, centro de linguas, ORI, CUFIE, ADI, OMA, UDC saudable.... Se non asistiches, aquí tes toda a información.
Unha oportunidade para coñecer a UDC!
Non puideches asistir á xornada de portas abertas da UDC? Non te preocupes, aquí están subidas todas as charlas impartidas que conteñen a información que che pode interesar.
Velaquí tedes a presentación utilizada nas charlas de orientación con 1º de bacharelato. Tamén vós, para calquera aclaración podedes vir polo departamento de orientación ou mandar un correo electrónico a citaorientacion@iesblancoamor.com
Con este programa, dirixido especialmente ao alumnado do IES EBA, poderás deseñar o teu propio futuro académico e profesional e atoparás toda a información que precisas sobre: cuestionarios para coñecerte a ti mesmo e os teus intereses, bolsas, universidade, formación profesional, saídas profesionais, ensinanzas artísticas e deportivas... e moitas cousas máis. Así que non o penses máis: entra e bota unha ollada.
Sabedes que todos aqueles que non tedes o título da ESO tamén podedes acceder a un ciclo de grao medio superando unha proba? Tamén os que non tedes o título de bacharelato podedes acceder a un grao superior superando unha proba. Botádelle un ollo a seguinte información:
IMPORTANTE:
Grao superior:
Grao medio:
Para todos os que non tedes o título da ESO (nin outro que vos permite acceder a un grao medio), tedes 17 anos ou os facedes ao longo do ano 2022 e queredes facer un grao medio, nesta carpeta atoparedes todo o que precisades (listaxe de admitidos, calendario, instrucións, sedes, etc.)
Para todos os que non tedes o título de bacharelato (nin outro que vos permite acceder a un grao superior), tedes 19 anos ou os facedes ao longo do ano 2022 e queredes facer un grao superior, nesta carpeta atoparedes todo o que precisades. (listaxes de admitidos, calendario, instrucións para a realización das probas, sedes, etc.)
Queres saber que podes estudar en Galicia despois de rematar o bacharelato? Este buscador, publicado por La Voz de Galicia, contén todos os estudos superiores que se poden cursar no momento actual na nosa comunidade autónoma. Seguro que hai algún que che interesa! A aplicación online está en construción, pero o 3 DE ABRIL PUBLICOUSE EN PAPEL A NOVA GUÍA PARA O CURSO 22/23, se queres consultala mentres a aplicación web non está lista, vén polo departamento de orientación!
O prazo para solicitar unha praza no Servizo Universitario de Residencias está aberto ata as 14:00 horas do 28 de xuño de 2022. Nesta ligazón atoparedes toda a información sobre o proceso.
Tes pensado facer un grao universitario na USC? como futuro estudante interésache coñecer a información que adican especialmente para vós
Interésache coñecer a UVigo? Mira ben o que che contan na sua páxina web...
As ensinanzas de réxime especial comprenden as ensinanzas deportivas, as artísticas e as de idiomas. Nos apartados que están a continuación atoparás información de cada unha delas.
Páxina da Consellería de Educación na que premendo en cada icona, poderás acceder á información oficial sobre as seguintes ensinanzas:
