SEMANA CLÁSICA NO IES DO BARRAL

Por primeira vez e grazas ó éxito pola implicación do noso alumnado tivemos o pracer de abrir a porta ó mundo clásico de Grecia e Roma: escribimos en grego e latín, xogamos ao modo romano, botamos as sortes, probamos as tabas e resolvemos enigmas moooi antigos, fixemos nosos propios afeites, coñecemos mulleres de mitos tomar e por fin rematamos coa confección duns pequenos e vistosos mosaicos, ao mesmo tempo que degustamos típicos e deliciosos manxares grecorromanos...a verdade que foi unha semana moi axetreada pero pasounos moi rápido e, o mellor de todo, é que quedamos con tan bo sabor de boca que será a primeira de moitas, así que noraboa polo excelente traballo, non só ó alumnado de Latín de 1º e 3º PDC, senón tamén a todos os que quixestes achegarvos e experimentar o que foi ser grego e romano por un día.

GRATIAS VOBIS AGO ALUMNAE ET ALUMNI !

Εὐχαριστẁ!

IMAXES

Presentación con toda a información das ABAU 2023

Xa estamos de volta despois dunha semana que serviu para coñecernos, escoitarnos, falarnos comprendernos... Unha semana de intensa aprendizaxe convivindo con familias inglesas, aprendendo a súa lingua, os seus costumes e o seu xeito de ver a vida. Sete días de camiños, de lugares, de historia e de tradicións.
Moito esforzo e moita ilusión que nos traen se volta con ganas de máis!!

O pasado xoves o alumnado de 4º de ESO pasouno xenial participando na xornada de teatro con Moving On Theatre. Grazas polo bo rato, por toda a aprendizaxe e grazas sempre ao alumnado que participou cun sorriso e moito bo humor!

Bolsas para cursos de inglés en Irlanda

O pasado dia 1 de marzo o alumnado 3º ESO PDC e o alumnado de Latín e Literatura Universal de bacharelato asistiron ás xornadas de teatro grecolatino celebradas en Ourense. Aquí tedes reseña e imaxes do evento

Presentación da  reunión sobre orientación académica coas familias do alumnado de 4º ESO

O venres 17 de febreiro de 2023 celebramos no centro o festival de entroido. Un ano máis, xunto coas familias do alumnado que nos puideron acompañar, tivemos un momento de disfraces, risas, baile e música. Esquecendo o traballo por un momento, adicámonos á boa convivencia e á diversión. Aquí tedes algunhas imaxes destes momentos.

O matemático e divulgador científico Eduardo Sáenz de Cabezón fixo unha visita ao IES do Barral o pasado 14 de febreiro para impartir unha charla ao alumnado de 4º ESO e 1º de Bacharelato.

Eduardo Saenz de Cabezón é coñecido por ser o conductor dende 2019 do programa "Órbita Laika", que se emite na 2 de TVE, pero a súa traxectoria é ben máis ampla. Doctor en Matemáticas e profesor da Universidade da Rioxa, é membro fundador do grupo de divulgación científica Big Van Ciencia. Colaborador de programas de radio e televisión, ten escrito varios libros de divulgación matemática como "Inteligencia matemática", "Apocalipsis matemático" ou "Gardner para aficionados: Juegos de matemática recreativa", asi como "El árbol de Emmy", unha biografía da matemática Emmy Noether.