Isabel Touriñán Canosa, 1º premio na modalidade de fotografía do concurso "Pola Igualdade 2018"

A alumna de 4º ESO do IES Agra de Raíces de Cee, Isabel Touriñán Canosa, ven de recibir o 1º premio na modalidade de fotografía do concurso "Pola Igualdade 2018", coa fotografía titulada "Aghuas de mel". A entrega do premio tivo lugar o pasado martes en Santiago de Compostela.
Este concurso artístico, difundido a todos os centros de Educación Secundaria, está organizado pola Comisión Intersectorial de Xénero do Colexio de Psicoloxía de Galicia. O obxectivo do concurso é concienciar ao alumnado da ESO, das desigualdades existentes entre os distintos xéneros e promover a reflexión e a promoción da igualdade en calqueira dos ámbitos da vida.

Parabéns Isabel! desde a Costa da Morte hai moito que dicir!.