1.4.2. Autorregularse como equipo
Ademais de adquirir un sentido de pertenza a un grupo, como perseguen uns obxectivos comúns e que xuntos conseguirán mellor ese obxectivo que cada un individualmente, os equipos teñen que aprender a autorregularse. Cando o alumnado empeza a traballar en equipo, decatarase do difícil que é traballar en grupo: xorden conflitos, algúns se desaniman, outros non queren participar,...
O profesor/a deberá introducir o traballo sobre as normas para o funcionamento dos equipos. Para o establecemento das normas falaremos de dous momentos:
1. Ao inicio de curso, cando empezamos a traballar en equipos cooperativos. Antes de empezar a traballar, convén establecer unhas cantas normas básicas e específicas, que deben ser:
- Poucas
- Comprensibles
- Enunciadas en positivo: describindo a conduta esperada en primeira persoa do plural
- Alcanzables
Debemos dedicar un tempo a explicalas: concretalas a través de condutas desexables, poñer exemplos,…
Unha vez explicada e traballada cada norma, debemos estar moi pendentes do seu cumprimento durante algún tempo, ata que comprobemos que están implantadas. Nesta fase é conveniente recoñecer publicamente aos que as cumpren e corrixir aos que as incumpren.
2. Unha vez que xa transcorre un tempo prudencial, podemos seguir a estratexia de Vaello (2007), citado en Pujolás e Lago (2010, p. 135): elaboración progresiva de normas: estableceremos outras normas a medida que se atope a dificultade ou conflito. Os propios Pujolás e Lago (2010, p. 135), explican cunha figura esta técnica: