1.1.1. Principios da aprendizaxe cooperativa
1. Participación equitativa: o traballo en equipo estruturado favorece a participación igualitaria e equitativa de todos os membros do equipo. Todos os membros do equipo teñen a mesma oportunidade de participar.
2. Interacción simultánea: discutir sobre distintos puntos de vista, sobre a maneira de enfocar unha actividade, explicar aos demais o que cada un vai aprendendo,...son accións que se teñen que levar a cabo para lograr os obxectivos previstos. Os membros do equipo teñen que traballar xuntos, interaccionando, prestándose axuda ou apoio.
3. Responsabilidade individual: cada membro do equipo, individualmente, ten que asumir a responsabilidade de conseguir as metas que se lle asignaron. Polo tanto, cada persoa é, e debe sentirse, responsable do resultado final do grupo. Isto é a interdependencia positiva.
4. Autoavaliación do grupo: os membros do equipo han de ser quen de avaliar o proceso de aprendizaxe que seguiu o grupo. Esta avaliación, guiada polo profesorado, é moi importante para o desempeño de tarefas futuras e para que cada membro analice o desempeño do seu papel no grupo.