Guía para a diversificación de espazos educativos na ESO dende unha perspectiva inclusiva, igualitaria e interdisciplinaria

Neste primeiro bloque queremos darvos a benvida a esta guía e achegarvos á súa finalidade á súa orixe.

Agardamos que vos poida facilitar consignas e claves que vos guíen na busca de novas perspectivas que excedan a aula como habitáculo para poder desenvolver o modelo competencial.

Polo tanto, os obxectivos desta guía son:

1. Impulsar o proceso de transformación do modelo educativo tradicional ao novo modelo competencial.
2. Proporcionar ao profesorado unha perspectiva real e operativa de traballo interdisciplinar baseado nas competencias.
3. Establecer mecanismos que favorezan o achegamento do alumnado ao mundo que o rodea.
4. Realizar un estudo das posibilidades que ofrece o centro e a contorna de cara a unha diversificación de espazos de ensino-aprendizaxe.
5. Introducir perspectivas coeducativas no deseño e desenvolvemento de espazos de aprendizaxe.
6. Deseñar accións inclusivas arredor de proxectos de traballo que fomenten as relacións interpersoais e a interacción coa contorna.

Esperamos que, despois desta breve introdución, vos animedes a continuar nesta viaxe que estamos a piques de emprender.