Novo concepto de aula
"Aula do Futuro" é un proxecto coordinado polo Instituto Nacional de Tecnoloxías Educativas e de Formación do Profesorado (INTEF) en colaboración coas comunidades
autónomas. Esta aposta, que se iniciou en 2015, ten a súa orixe no proxecto Future Classroom Lab, desenvolto polo consorcio de Ministerios de Educación europeos, European Schoolnet, en Bruxelas, dende 2012.
Aula do Futuro é a creación dun ambiente de aprendizaxe inspirador que invita a repensar o papel da pedagoxía, a tecnoloxía e o deseño nas aulas.
Tres son os pilares sobre os que se sostén:
- Uso de tecnoloxías dixitais.
- Adquisición de competencias.
- Organización do espazo.
Presenta un espazo de aprendizaxe zonificado e reconfigurable, composto por seis zonas de aprendizaxe que permiten diferentes tarefas a través de distintas ferramentas:
Investiga: averiguar, analizar, cuestionar e examinar.
Explora: indagar, buscar e descubrir.
Interactúa: colaborar, preguntar e debater.
Desenvolve: planificar, deseñar e inventar.
Crea:
manipular, editar e imaxinar.
Presenta: informar, escoitar, compartir e amosar.
Por outra parte, dende a Consellería de Cultura, Educación e Universidade de Galicia e o Centro Autonómico de Formación e Innovación (CAFI) creouse un espazo na sede central do CAFI, en Santiago de Compostela. Equipado con tecnoloxía dixital, permite ó persoal docente o seu uso para desenvolver proxectos que precisan ferramentas e recursos específicos.
Aulanova CAFI fundaméntase nos seguintes aspectos:
- Construcionismo e construtivismo
- Movemento Makerspace
- Pensamento de deseño
- Alfin / Alfabetización multimedia
Se che interesa, podes consultar o Protocolo de normas de uso da Aulanova.
