Tarefa final do módulo 3. Identificación das emocións
Para rematar esta parte, o alumnado debe facer unha caracterización dos personaxes do filme. En grupos de 2/3 alumnos, cada grupo debe seleccionar un personaxe, empatizar coa situación que vive e presentarse ao resto da clase. Para a construción do personaxe podedes seguir este guión:
NOTA: No caso de utilizar a unidade na vosa aula virtual propia, se tendes un arquivo co produto da tarefa débese subir nesta sección ou indicar a dirección URL na que está situado.
- quen son?
- como estou?
- como reacciono ante os meus problemas?
- por que estou así?
- quen entende o que me pasa?
- quen me axuda a solucionar os meus problemas?
Como no caso da tarefa final do módulo 2, o produto pode ter calquera formato:
- presentación con apoio multimedia (Impress, Prezi etc.)
- visual (imaxe)
- audiovisual (vídeo)
- multimedia (cartel en Glogster)
- outros formatos non dixitais ou dixitais