Atribucións

• Enrolarse como 1º Oficial ou Oficial encargado da garda de navegación en buques dedicados á pesca litoral.
• Enrolarse como 1º Oficial de máquinas en buques pesqueiros de potencia inferior a 750 kW, e como Oficial encargado da garda de máquinas.
• Exercer como Capitán ou Patrón e/ou Xefe de máquinas, en buques de ata 24 metros de eslora entre perpendiculares e 400 kW de potencia efectiva da máquina, dedicados á pesca costeira de litoral, ata unha distancia de 60 millas da costa. A base para o cálculo da distancia á costa serán as liñas de base rectas definidas na Lei 10/1997, do 4 de xaneiro, sobre mar territorial, cuxa delimitación figura no Real Decreto 2510/1997, do 5 de agosto, de augas xurisdicionais, liñas de base rectas para a súa delimitación.

Para poder exercer a función de Capitán prevista no presente apartado o interesado debe cumprir un período de embarque non inferior a 12 meses como Oficial encargado da garda de navegación, ou Patrón, en buques pesqueiros de eslora non inferior a 12 metros.

• Exercer a Xefatura de máquinas en buques de pesca con potencia propulsora non superior a 550 kW.

Condicións para a obtención da Titulación

Para a obtención da titulación de patrón/patroa costeiro/a polivalente, o alumnado deberá:

• • Realizar satisfactoriamente un curso de formación sobre os coñecementos teórico-prácticos.
  • Superar o exame teórico-práctico establecido para o efecto.

Condicións para a obtención do Título Profesional

• Ter feitos 18 anos de idade.
• Dispor dun impreso oficial, expedido por un Centro de Reconoñecemento de Conductores (CRC), no que se certifique a aptitude psicofísica de acordo cos requisitos exixidos para a expedición do permiso ordinario de conducir. Este impreso non será necesario si o interesado dispón do certificado médico de aptitude en vigor (expedido polo Instituto Social da Mariña).
• Haber superado o exame teórico-práctico establecido para o efecto.
• Haber prestado servicio na sección de ponte de buques pesqueiros de eslora non inferior a 12 metros, durante un período de embarque de polo menos 2 anos; no obstante, o Ministerio de Agricultura, Alimentación e Medio Ambiente poderá permitir:

-          A sustitución deste período de embarque por outro de formación especial de duración non superior a un ano, a condición de que o programa de formación especial sexa, como mínimo, dun valor equivalente o do periodo de embarque exixido o que sustitúe.

-          A sustitución do período de embarque en buques pesqueiros por outro que conste nun rexistro aprobado de acordo co Convenio de Formación, 1978.

Para o cómputo do período de embarque de 2 anos previsto neste apartado, aceptaranse ata 18 meses de días de embarco realizados con anterioridade a realización do exame previsto, o resto do embarque debe ser realizado, en todo caso, con posterioridade a superación do citado exame.

• Realizar un período de embarque de 6 meses no servicio de máquinas dun buque civil.

Condicións de acceso ó curso

Para o acceso ao curso de patrón/patroa costeiro/a polivalente, o alumnado deberá reunir os seguintes requisitos:

• • Ter feitos os 18 anos de idade.
  • Estar en posesión do título de mariñeiro/a pescador/a.
  • Estar en posesión do certificado de nivel 1 de ensinanzas básicas iniciais ou certificado equivalente, ou ben estar en posesión da tarxeta profesional de patrón/patroa local de pesca.

Duración do curso

A duración do curso non será inferior a 600 horas lectivas, das cales 350 horas corresponderán á sección de ponte e 250 horas á sección de máquinas.

Asistencia ó curso

A asistencia ao curso por parte do alumnado matriculado será obrigatoria.

Cando o incumprimento da asistencia supere o 10% das horas lectivas do curso será motivo de baixa no dito curso, así como a baixa no dereito a participar no exame correspondente.

Obxectivos

Sección de PONTE

• Controlar a navegación e a derrota do buque en todalas condicións.
• Realizar as operacións de estabilidade, trimaxe e manobra do buque.
• Organizar e executar as actividades extractivas e de conservación do produto obtido.
• Organizar e controlar a seguranza, a supervivencia, a asistencia sanitaria a bordo e a preservación do medio mariño.
• Realizar unha correcta administración do buque, unha axeitada aplicación das normas laborais e unhas prácticas de traballo seguras a bordo.
• Comprender a información específica e profesional das mensaxes orais e escritas en lingua inglesa relativas as diversas situacións de comunicación emitidas directamente por falantes ou por medios de comunicación.

Sección de MÁQUINAS

• Realizar a condución e mantemento da planta propulsora do buque.
• Supervisar e controlar o funcionamento das instalacións eléctricas, asegurando a súa operatividade e seguranza.
• Controlar o funcionamento e o mantemento de equipamentos hidráulicos e sistemas auxiliares (servizos).

Programa e Temporalización

Sección de PONTE (350 horas/420 sesións)

Módulo profesional 1

80 sesións

Navegación e comunicacións

UD 1 – Navegación costeira.

UD 2 – Navegación con radar.

UD 3 – Servizo de garda.

UD 4 – Sistemas electrónicos de determinación da situación e da navegación.

UD 5 – As comunicacións a bordo. Procedementos radiotelefónicos.

UD 6 – Busca e salvamento (MERSAR).

Módulo profesional 2

60 sesións

Estabilidade, manobra do buque e regulamentos para previr abordaxes

UD 1 – Construción naval e teoría do buque.

UD 2 – Estabilidade e construción do buque pesqueiro.

UD 3 – Manobra e goberno dos buques pesqueiros.

UD 4 – Regulamentos para previr as abordaxes e balizamento internacional.

Módulo profesional 3

80 sesións

Pesca responsable

UD 1 – Bioloxía pesqueira.

UD 2 – Pesca marítima. Artes e aparellos de pesca.

UD 3 – Lexislación marítimo-pesqueira e administración do buque.

UD 4 – Manipulación e estiba das capturas.

Módulo profesional 4

20 sesións

Meteoroloxía e oceanografía

UD 1 – Meteoroloxía.

UD 2 – Oceanografía.

Módulo profesional 5

60 sesións

Seguranza marítima e preservación do medio mariño

UD 1 – Seguranza marítima.

UD 2 – Hixiene e primeiros auxilios.

UD 3 – Preservación do medio mariño.

Módulo profesional 6

40 sesións

A seguranza e lexislación marítima laboral

UD 1 – Prácticas de traballo seguras a bordo.

UD 2 – Lexislación marítima laboral.

UD 3 – A fatiga a bordo.

Módulo profesional 7

20 sesións

Nocións de inglés técnico

Módulo profesional 8

60 sesións

Simulación e prácticas a bordo dun buque de pesca

UD 1 – Simulación en radar e ARPA.

UD 2 – Simulación en sistemas electrónicos (navegación e pesca).

UD 3 – Programa de prácticas a bordo dun buque de pesca.

Sección MÁQUINAS (250 horas/300 sesións)

Módulo profesional 1

Propulsión do buque

120 sesións

UD1 – Teoría fundamental dos motores térmicos de combustión interna.

UD2 – O motor diésel de catro tempos.

UD3 – Potencias, rendementos e consumos.

UD4 – Estudo e verificación dos compoñentes do motor.

UD5 – Sistemas de alimentación de aire e escape.

UD6 – Combustión. Combustibles.

UD7 – Sistema de alimentación e inxección do combustible.

UD8 – Sistema de lubricación. Lubricantes.

UD9 – Sistema de refrixeración.

UD10 – Arranque. Liña de eixes. Motores reversibles.

UD11 – Instrumentos de medida local e remota.

UD12 – Condución, mantemento e avarías dos motores diésel.

Módulo profesional 2

Electricidade

60 sesións

UD1 – Principios, circuítos e magnitudes eléctricas.

UD2 – Baterías.

UD3 – Circuíto de carga. Alternador.

UD4 – Circuíto de arranque. Motor de arranque.

UD5 – Cadros eléctricos.

Módulo profesional 3

Servizos do buque

60 sesións

UD1 – Hidráulica e pneumática básica.

UD2 – Sistemas hidráulicos do buque.

UD3 – Servizo de achique, baldeo e contra incendios.

Módulo profesional 4

Tecnoloxía mecánica. Taller

60 sesións

UD1 – Recoñecemento e uso de ferramentas. Metroloxía.

UD2 – Procedemento manual de soldadura por arco eléctrico.

UD3 – Desmontaxe e montaxe dun motor diésel completo.

UD4 – Cambio de aceite e filtros do motor.

UD5 – Regraxe de válvulas e comprobación da posta a punto.

UD6 – Esmerilaxe de válvulas.

UD7 – Timbraxe dun inxector sobre bomba de probas.

UD8 – Preparación do motor para o arranque e para realizar unha travesía.

UD9 – Utilización do polímetro.

UD10 – Acoplamento e verificación do estado de carga de baterías.

UD11 – Verificación do sistema de carga e arranque.

UD12 – Montaxe dun circuíto hidráulico e pneumático.

UD13 – Cambio de retén dunha bomba centrífuga.

UD14 – Seguranza e prevención de riscos no manexo da maquinaria a bordo.

 Criterios de Organización, Avaliación e Valoración

Sección de PONTE

Exame Teórico

O tribunal deberá acollerse a unha das seguintes opcións:

Opción A: consistirá nunha proba de 30 preguntas curtas

Duración da proba: 110 minutos

Valoración desta proba: 4 puntos

A composición do exame tipo test será a seguinte:

Opción B: consistirá nunha proba de 60 preguntas tipo test de respostas múltiples.

Duración da proba: 110 minutos

Valoración desta proba: 4 puntos

A composición do exame tipo test será a seguinte:

Exame Práctico

Valoración desta proba: 6 puntos

Consistirá na resuloción dos seguintes supostos prácticos:

Criterios e Valoración

É necesario cumprir todos os requisitos que se nomean a seguir para superar a sección:

• Ter como mínimo 1 punto no exercicio de carta.
• Ter como mínimo 1 punto na práctica de artes e aparellos.
• Ter como mínimo 0,5 puntos na práctica de primeiros auxilios.
• Ter como mínimo 0,5 puntos na práctica de seguranza marítima.
• Responder correctamente 2 preguntas curtas de regulamentos e sinais e 1 pregunta curta de balizamento, ou 4 preguntas tipo test de regulamentos e sinais e 2 preguntas tipo test de balizamentos.
• Ter como mínimo 2 puntos no exame teórico.
• Ter unha puntuación mínima global de 5 puntos.

Se a persoa candidata non supera algún dos criterios enumerados anteriormente, será considerado como «non apta».

Sección de MÁQUINAS

Exame Teórico

Consistirá nunha proba de 30 preguntas curtas, resolución de circuitos e cálculos.

Duración da proba: 150 minutos

A composición do exame será a seguinte:

Valoración:

Para superar o exame teórico o alumnado deberá responder correctamente a un mínimo de 15 preguntas, que son as seguintes:

Exame Práctico

Consistirá na resuloción de 3 supostos prácticos, a razón dun suposto práctico por módulo.

Duración: 15 minutos por alumno/a e módulo.

Valoración:

Para superar o exame práctico o alumnado deberá obter un mínimo de 5 puntos en cada un dos tres módulos prácticos. A puntuación destes módulos estará comprendida entre 0 e 10 puntos.

Para aprobar o exame, o alumnado deberá superar tanto o exame teórico como o práctico.

Normativa

• Real Decreto 36/2014, do 24 de xaneiro, polo que se regulan os título profesionais do sector pesqueiro.
• ORDE do 31 de xullo de 2014 pola que se establecen as bases e se regula o procedemento para a obtención das titulacións de mariñeiro/a pescador/a, patrón/patroa local de pesca e patrón/patroa costeiro/a polivalente na Comunidade Autónoma de Galicia.
• CORRECCIÓN de erros. Orde do 31 de xullo de 2014 pola que se establecen as bases e se regula o procedemento para a obtención das titulacións de mariñeiro/a pescador/a, patrón/patroa local de pesca e patrón/patroa costeiro/a polivalente na Comunidade Autónoma de Galicia.