Taxas na matrícula oficial con pago fraccionado

Como pagar as taxas en liña (Na oficina virtual tributaria) ↩

Segundo o DECRETO 89/2013, do 13 de xuño, artigo 4 (DOG 114 do 17 de xuño), o alumnado na modalidade oficial  pode fraccionar o pago en dous prazos: 50% no momento de formalizar a matrícula e o resto durante o mes de xaneiro do ano seguinte. En todo caso, deberá indicarse no impreso correspondente a opción elixida. 

No caso de optar polo pago fraccionado da matrícula oficial, débense seguir estes pasos e achegar a seguinte documentación:

• En CentrosNet: indicaranse na aplicación os 20 díxitos da conta bancaria para a domiciliación do pagamento fraccionado,

• Achegarase o certificado da conta bancaria, onde consten o IBAN e a titularidade desta nunha das entidades colaboradoras. 

• No caso de que a/o alumna/o non sexa titular da conta indicada, deberá achegar xunto coa documentación da titularidade unha autorización de domiciliación asinada pola persoa titular da conta.

A non asistencia de xeito regular a clase ou mesmo a renuncia ao curso non exime do pago íntegro da matricula.

A falta de pagamento do segundo prazo dos prezos públicos, cando se opte por fraccionar este, producirá automaticamente a anulación da matrícula en todas as disciplinas e suporá a perda das cantidades correspondentes ao primeiro prazo dos prezos públicos. 

O alumnado con anulación de matrícula por falta de pagamento no curso anterior, deberá aboar previamente as cantidades pendentes de pagamento para formalizar a nova matrícula no presente curso.

Taxas con pago fraccionado

Desglose: no primeiro prazo débense abonar os seguintes conceptos (de ser o caso): apertura de expediente+ servizos xerais+ 50% docencia por idioma. No segundo prazo abonase o 50% que resta da docencia por idioma.

Códigos de pagamento

Exencións e descontos: 

Importante: En todos os casos deberase acreditar documentalmente o dereito ás exencións.

• Familias numerosas de categoría especial: exención do 100%.

• Familias numerosas de categoría xeral: exención do 50% do importe total.

• Funcionarios en activo dos corpos docentes establecidos na Lei Orgánica 2/2006, do 3 de maio, de educación (BOE do 04/05): exención das taxas de matricula, unicamente nas materias de nova matriculación, é dicir, as taxas de docencia se non é repetidor. Non están exentos da apertura de expediente nin dos servizos xerais (Débese achegar certificación da Xefatura Territorial)

• As persoas cun grao de minusvalía igual ou superior ao 33%: exención do 100%

• As vítimas de actos terroristas, así como seus cónxuxes e fillos: exención do 100%

• As vítimas de violencia de xénero, así como os seus fillos: exención do 100%