DOCUMENTACIÓN NECESARIA PARA MATRICULARSE
Alumnado que xa ten expediente nesta escola. Presentará esta documentación a través da aplicación web de matrícula:
- Xustificante de ter pagado as taxas.
Alumnado novo nesta escola. Presentará esta documentación a través da aplicación web de matrícula (agás as dúas fotos):
- Xustificante de ter pagado as taxas.
- Copia DNI ou NIE. No caso de que a persoa se identifique cun documento distinto deberá presentar o documento orixinal presencialmente na secretaría da escola no prazo establecido para a matrícula.
- Dúas fotos tamaño carné. Presentaranse de forma presencial na secretaría, ou no enderezo web eoi.viveiro@edu.xunta.gal .
Para todo o alumnado. Esta documentación presentarase a través da aplicación web de matrícula, de non poder facelo, presentarase no enderezo web eoi.viveiro@edu.xunta.gal ou presencialmente dentro do prazo de matrícula.
- O alumnado que sexa menor de 18 anos, o impreso de protocolo de menores de idade, cuberto e asinado pola nai, pai ou a persoa titora.
- O alumnado que sexa menor de 16 anos, certificación do IES correspondente, onde acredite a primeira lingua estranxeira que está cursando.
- O alumnado que fraccione o pago (hai que marcar esa opción cando se fai a matrícula por internet, na opción tipo de taxa) deberá presentar un certificado da conta bancaria onde conste o IBAN. No caso de non ser o titular da conta, deberás achegar unha autorización asinada pola persoa titular da conta.
- O alumnado que acceda directamente a un curso distinto do 1º nivel por outras titulacións, deberá presentar o correspondente título ou certificación acreditativa (dependendo do caso).
- O alumnado con acceso directo por ter aprobado bacharalato, presentará certificación académica do centro, onde quede constancia que a persoa cursou dito idioma como primeira lingua estranxeira, e que ten aprobado o bacherelato.
- Aquelas persoas con descontos nos prezos de matrícula presentarán orixinal e fotocopia do documento que así o confirme:
- Familia numerosa: Libro de familia numerosa.
- Discapacidade: Certificado ou resolución de recoñecemento de grao de discapacidade (33%) do alumno ditado polo órgano competente nesta materia. Estarán exentos do pago de taxas. No caso de solicitar adaptación das probas cubrir o anexo V da resolución de matrícula.
- Vítimas de terrorismos: Resolución administrativa na que se lles recoñece esa condición. Estarán exentas do pago das taxas así como os seus cónxuxes e fillos.
- Vítima de violencia de xénero: Sentenza xudicial que acredite esa condición.
- Persoal funcionario docente non universitario. Certificado de estar en activo no momento de formalizar a matrícula. Se repite curso non terá dereito a este desconto.