" ÓESE POLA CARBALLEIRA
O VELLO CUCO SOURIL
Ó NACER A PRIMAVERA
ENTRE O MARZO E O ABRIL"

Manuel María.
Terra Chá

Ven o señor Lobo
- que medo, neniño!-
polo monte abaixo
e asusta ó camiño!

Trae lume nos ollos; nos dentes, coitelos tan ben afiados que dá medo velos!	Que dá medo velos; arrepío ollalos…! Ven o señor Lobo con instintos malos!

Anda paseniño con pasos calados. Años e ovellas: estarán gardados?	Ven o señor Lobo con paso seguro: a luz dos seus ollos fura no escuro!
Escóitase ó lonxe perdido entre matos, na soidá do monte, oular de lobatos.	Chega o señor Lobo. A súa ollada fría: pon os pelos dreitos, o sangue arrepía…!

O sangue arrepía,
o corazón xea:
está o señor Lobo
venteando a aldea!

Manuel María
Os soños na gaiola

" TEÑO UN BARCO DE XOGUETE
E NEL ME QUERO EMBARCAR
POLOS MARES DOS MEUS SOÑOS
QUEN ME VERÁ NAVEGAR! "
...Manuel María
Os soños na gaiola

MANUEL MARÍA, POETA DA TERRA CHÁ E  DOS NOSOS SOÑOS , REGRESA UN ANO MÁIS Á ESCOLA.
E DESTA VEZ SABÉMONOS MOI ACOMPAÑADOS E ACOMPAÑADAS NO GOCE DA SÚA PALABRA ...

"QUERO TER A PALABRA MÁIS SINCEIRA,
A MÁIS CABAL, MÁIS NOBRE E TRANSCENDENTE,
QUE SEXA AO MESMO TEMPO, GRAN, SEMENTE,
INVERNO, V´RAN, OUTONO E PRIMAVERA...

... POIS O NOSO FIEL POETA É O AUTOR HOMENAXEADO ESTE ANO NA CELEBRACIÓN DAS NOSAS LETRAS.

QUERO A PALABRA PURA, RECENDENTE,
FERMOSÍSIMA, NIDIA, VERDADEIRA
QUE TEÑA O RITMO BARIL DA MUIÑEIRA
E A CLARIDADE DA AUGA TRANSPARENTE

 QUERO A PALABRA CERTA CARA A VIDA,
A PALABRA QUE FERE, QUE ALOUMIÑA;
E VAI PARA AVE, NUBE, FLOR , CANCIÓN.

QUERO A PALABRA ESPIDA, ALPORECIDA
E, AO MESMO TEMPO, LENE, SOLERMIÑA
QUE É SAL NOS BEIZOS E LUZ NO CORAZÓN "

MANUEL MARÍA.
OS LONXES DO SOLPOR

 AS ESCOLAS DO CRA DE RIANXO REALIZARON O XOVES 2 DE XUÑO UNHA VISITAN Á EXPOSICIÓN "CASTELAO ARTISTA" NO MUSEO DE PONTEVEDRA .
A SAÍDA COMPLEMENTOUSE CUN ROTEIRO POLA CIDADE VELLA E ACTIVIDADES DE LECER NO PARQUE DOS SENTIDOS  (GRANXA DE BRIZ, MARÍN)

O XOVES 26 DE MAIO "AS AMIGAS E AMIGOS DE DANIEL" VIVENCIAMOS, DA MAN DA ACTRIZ TERO RODRÍGUEZ E DA BIBLIOTECARIA SOFÍA CAROU, ESPAZOS VITAIS E CREATIVOS DO AUTOR RIANXEIRO A. D. R. CASTELAO, COÑECIDO POR NÓS ATA ESE MOMENTO COMO O AMIGO DANIEL, E A QUEN APRENDEMOS A NOMEAR TAMÉN DENDE ENTÓN, IRMÁN.

SAÚDE E TERRA, IRMÁN DANIEL!

O XOVES 26 DE MAIO "AS AMIGAS E AMIGOS DE DANIEL" VIVENCIAMOS DA MAN DA ACTRIZ TERO RODRÍGUEZ ESPAZOS VITAIS E CREATIVOS DO AUTOR RIANXEIRO A.D.R. CASTELAO, COÑECIDO POR NÓS ATA ESE MOMENTO COMO O AMIGO DANIEL, E A QUEN APRENDEMOS A NOMEAR TAMÉN DENDE ENTÓN, IRMÁN DANIEL.

"Resultábame tamén moi curioso o dito co que definía a máxima ignorancia: "Tan brután é que non sabe nin o nome das árbores". Na Odisea, Ulises só convence ao cego e incrédulo Laertes de que en verdade é o seu fillo cando é quen de lembrar o nome e o número das árbores que o pai lle nomeou na horta de Ítaca,..."

As voces baixas. Manuel Rivas.

 "AÍ VÉN O MAIO

DE FLORES CUBERTO..."

Curros Enríquez

ABRIL, UN MES MÁIS PARA OS LIBROS E A ARTE