Noel e a súa familia fixeron unha pequena excursión para visitar o muíño e o panel solar de Burés. Aínda que o muíño está en desuso, grazas ás imaxes puidemos entender o seu funcionamento e a súa importancia e axuda nas actividades cotiás (antigamente, os veciños levaban os cereais ao muíño para moelos) e comentamos a importancia dos paneis solares pois aportan enerxía para realizar actividades tan cotiás coma encender a luz.

Este mércores 8 de Maio ás 4:30, nova sesión con contos e música. Se o tempo o permite iremos merendar a Meiquiz, ao pé dos seus hórreos. Se cadra aínda alguén se anima a contarnos cousas das mallas... 

Non deixedes as Camisetas Verdes na casa, que son moi festeiras! 

Xa sabedes. ACTIVIDADE ABERTA AO MUNDO ENTEIRO!!!

LUCAS VOLVEU VISITAR ESTE ANO AS DUNAS DE CORRUBEDO.
CO QUE APRENDEMOS ESTE CURSO SOBRE  PREHISTORIA, PUIDEMOS SABER QUE CANDO OS HABITANTES DO NEOLÍTICO LEVANTARON O DOLMEN DE AXEITOS, AS DUNAS XA SE FORMARAN MILES DE ANOS ATRÁS.
BEN SE MERECEN, ENTÓN QUE COIDEMOS DELAS!!

DURANTE MOITO TEMPO O DOLMEN DE AXEITOS FOI COÑECIDO CO ÚNICO NOME DE
A PEDRA DO MOURO

PERDIDA NA MEMORIA DOS TEMPOS A EXPLICACIÓN DAS SÚAS ORIXES, A CRENZA POPULAR ATRIBUIU AOS MOUROS E MOURAS, OS NOSOS ANTEPASADOS MITOLÓXICOS, A CONSTRUCIÓN DESTES MONUMENTOS MEGALÍTICOS

LUCAS FOI VISITAR COA SÚA FAMILIA UN PARQUE EÓLICO.
ALÍ PUIDO VER UNHA CHEA DE AEROXENERADORES QUE TRANSFORMAN A FORZA DO VENTO EN ENERXÍA ELÉCTRICA

A ENERXÍA EÓLICA NON CONTAMINA, É RENOVABLE E FREA O AGOTAMENTO DOS COMBUSTIBLES FÓSILES, POIS A ENERXÍA PRODUCIDA POR UN AEROXENERADOR EVITA QUE SE QUEIMEN DIARIAMENTE MILES DE LITROS DE PETRÓLEO

PORÉN, PRESENTA TAMÉN ALGUNHA DESVENTAXE, COMO SON A TRANSFORMACIÓN DA PAISAXE E A MORTANDADE QUE PODE PROVOCAR NALGUNHAS AVES.

ANA E JOSE, OS PAIS DE SABELA, HAI ANOS ESTIVERON EN GRECIA E VISITARON RESTOS ARQUEOLÓXICOS DA QUE FOI UNHA DAS CULTURAS MÁIS IMPORTANTES DA ANTIGÜIDADE

Ç

NON É DE ESTRAÑAR QUE A SABELA LLE GUSTE TANTO A ARQUEOLOXÍA !!

CON TODO O QUE APRENDEMOS SOBRE O MAR O PASADO CURSO E AS VISITAS DE ECO-MAR DESTE ANO, O NOSO COMPAÑEIRO GABRIEL APROVEITOU BEN A VISITA QUE FIXO COA SÚA FAMILIA Ó ACUARIO DO GROVE !

COAS IMAXES QUE TROUXO Á ESCOLA PARA NOS EXPLICAR TODO CANTO SABE, FIXEMOS UNHA SELECCIÓN. IMAXINADE DE CANTAS COUSAS ESTIVEMOS A FALAR ... !!

VENRES VERDES EN FAMILIA E
VISITA EN VERDE

"MIÑA NAI, MIÑA NAICIÑA

COMO A MIÑA NAI NON HAI NINGUNHA,

QUE ME QUENTABA A CARIÑA

CO CALORIÑO DA SÚA"

                                      FELIZ DÍA, MAMÁ!

OS RECURSOS DO MAR

OS OCEANÓGRAFOS DE ECO-MAR VISITÁRONNOS DE NOVO! NESTA TERCEIRA SESIÓN APRENDEMOS A DIFERENCIAR OS RECURSOS PROCEDENTES DO MAR, TANTO DIRECTA COMO INDIRECTAMENTE. ATOPÁMONOS CON VERDADEIRAS SORPRESAS... SABEDES QUE DA GRASA DALGÚNS PEIXES E DE ALGUNHAS ALGAS OBTEMOS GOMINOLAS, XELATINA, CREMAS HIDRATANTES E ATA UN REXENERADOR DE CARTÍLAGO (CARTÍLAGO PROCEDENTE DA ALETA DE TIBURÓN) ?

POLA CONTRA DESCUBRIMOS QUE AO MAR CHEGAN OUTRO TIPO DE MATERIAIS, LIXO, QUE BOTAMOS NAS PRAIAS OU QUE TIRAMOS POLOS SUMIDEIROS. ESTOS OBXECTOS CHEGAN AS NOSAS PRAIAS, CONVERTÍNDOAS EN ESPAZOS SUCIOS E DESAGRADABLES PARA ANDAR, XOGAR, VISUALIZAR... DISFRUTAR.