Responder ó comentario

Estimadas familias,

O martes 29 de outubro de 2024 comezará o préstamo das MALETAS CREATIVAS.

Tedes a información ó final da publicación para reservalas. 

Cada maleta está composta por dous contos infantís (un en galego e outro en castelán), un libro pedagóxico para adultos, un libro musical, un libro en inglés, dous xogos educativos e unha tablet.

MALETA CREATIVA 1

MALETA CREATIVA 2

MALETA CREATIVA 3

MALETA CREATIVA 4

INFORMACIÓN SOBRE A RESERVA DAS MALETAS CREATIVAS

Destinatarios: todo o alumnado do CRA RaiñaAragonta.

Solicitude: mediante correo electrónico á seguinte ligazón

bibliotecaaragonta@gmail.com

indicando o nome do alumno/a, a aula no que están matriculados e día que prefiren recoller as maletas (martes ou xoves).

Confirmación: unha vez realizada a solicitude, a familia recibirá un correo electrónico informándolle o día exacto que comeza o préstamo.

Duración: o préstamo será dunha semana.

Recollida e devolución: a familia será a encargada de recoller e entregar a maleta na biblioteca do CRA Raiña Aragonta.

Horario: os martes de 16:00 a 17:00 e os xoves de 16:45 a 17:45.

Deterioración ou perda de material: as familias serán as responsables dos danos ou perdas que poidan sufrir os materiais mentres dure o préstamo. Nestes casos as familias terán que mercar un exemplar igual.