Eventos
O Mércores 3 de Outubro os alumnos e alumnas de Fornelos de primaria e infantil visitaron a nosa biblioteca e aproveitaron para sair coas compañeiras e compañeiros da escola de Tabagón a recoller mazás.
Fomos andando a unha finca preto da escola e Anxo e Álex explicáronnos como recollían as mazás e axudáronnos a apañar unhas poucas que meteron nunha bolsa feita na clase. Ademais tamén nos ensinaron zumes dos que poideron beber e sidra.
O Martes 9 de Outubro foi o turno da escola de Novás de visitar á biblioteca.
Aproveitamos a visita para ir cos nenos e nenas da escola de Tabagón a recoller millo, pero tamén tivemos tempo para que a mestra e o mestre nos contaran algun conto e incluso para que algún neno de primaria contara un conto ós seus compañeiros.
Aproveitando a visita que a escola de Novás fixo a biblioteca, decidimos ir ata a finca da avoa Concha (a avoa de Antón) a recoller millo.
Fomos todos xuntos andando mentres contábamos historias e cantabamos e unha vez que chegamos puxémonos mans á obra. Montamos no motocultor para sacar fotos e recollimos moito millo co que enchemos os capachos para levar para clase e debullalo entre todos.
O Mércores 10 de Outubro os nenos e nenas do Couso tiveron a oportunidade de pasar o día na biblioteca.
Nesta visita, ademais de gozar e desfrutar cos libros da biblioteca, os nenos e nenas aproveitaron o bo día que facía para saír e recoller follas das árbores, que despois aproveitaron para facer diferentes actividades relacionadas co outono.
Os nenos e nenas de primaria do CRA fomos de excursión a Vigo para visitar o museo do mar e a Fundación Sales.
Pola mañan fomos ó museo, onde merendamos no xardín e fixemos algunhas actividades de reciclaxe, observamos peixes e fomos a unha exposición de animais mortos disecados. ó rematar fomos comer á praia de Samil e pola tarde fomos á Fundación Sales, onde os monitores e monitoras nos explicaron moitísimas cousas sobre as prantas e as árbores.
Ó rematar volvimos para casa moi cansos pero moi ledos, xa que pasamos un día xenial!!!
O vindeiro Mércores 24 de Outubro os alumnos e alumnas do CRA visitarán a biblioteca municipal onde gozarán coas historias da contacontos Ana Lisistrata. Debido a que na biblioteca a que non collen todos os alumnos e alumnas do colexio irán en dúas roldas: ás 10:00 irán os colexios de Tabagón, Pías Couso G, e ás 11:30 irán os colexios de Fornelos, Novás e Couso H.
Chegou o día e pasámolo moi ben!! Un autobús foi recollendo os nenos e nenas polas escolas para levalos á biblioteca municipal, menos na escola de Couso que foron andando. Unha vez alí, no primer turno entramos dentro da biblioteca a escoitar os contos, mentres que no segundo turno aproveitaron que facía un dia moi bo e escoitaron os contos ó aire libre.
Hoxe as escolas de Tabagón, Couso e Novás foron visitar un muíño na zona de Couso. Quedamos todos os nenos e nenas na escola de Couso e fomos andando ata a zona na que estaba o muíño.
Como o muíño era pequeno fixemos pequenos grupos e mentres un entraba os outros aprendíamos diferentes cousas sobre as árbores que nos rodeaban. Demoslle a cada grupo unha folla de unha das árbores que alí había e eles tiñan que buscar onde se atopaba esa árbore. Os nenos e nenas pasarono xenial e todos conseguiron atopar todas as árbores que lles plantexaron.
Mentres, o grupo que entraba no muíño aprendía como se fai a fariña de millo, viron como se moia e poideron tocar a fariña que se iba facendo. Ademais baixamos a zona de abaixo por onde caía a auga e facía xirar a roda.
![Events at <em>CRA María Zambrano</em> Distribuir contido](/centros/cramariazambrano/misc/feed.png)