Admisión de novo alumnado no CRA DE DODRO para o curso 2022-23
RESOLUCIÓN PROVISIONAL DE ADMITIDOS
TODOS AS NENAS E NENOS QUE SOLICITARON PRAZA NO CRA DE DODRO PARA O VINDEIRO CURSO ESTÁN ADMITIDOS. MOITAS GRAZAS.
Día Mundial da Saúde
Con motivo do Día Mundial da Saúde, esta semana os nenos e nenas do CRA saíron a camiñar polos arredores das escolas, recordando a importancia de manter uns hábitos de vida saudables: descansar ben, comer san e facer exercicio. Ademais, deste xeito aproveitamos para coñecer todos a contorna dos nosos coles e apreciar o que temos máis cerca: os parques, os camiños, os bosques, os hórreos,... Que ben o pasamos!!!
Tamén vimos nos mapas o camiño que faciamos e anotamos a distancia e o tempo que camiñamos. As nenas e nenos levan un caderno para as casas, por se alguén quere facer coa familia algún outro paseo e anotalo no seu caderno.
Agardamos que o desfrutedes moito!!
Días non lectivos
Voltamos ás escolas o martes 19 de abril!. Feliz Pascua!
Programa escolar de consumo de froita 2021-22
Do 1 ao 22 de abril, grazas á subvención do FOGGA, comezamos o segundo período de reparto de froita nas nosas escolas!.
Semana da prensa
Unha das novas que máis relevancia ten na actualidade é, sen dúbida, a guerra en Ucrania. No CRA contamos cuns pequenos xornalistas que, aproveitando a Semana da Prensa, aportan a súa visión do conflito neste xornal que a continuación vos presentamos.
Día da Muller
No CRA unímonos á celebración do Día do Muller, destacando a todas as mulleres de Dodro, sobre todo aquelas que son importantes para os nosos peques. Grazas pola vosa colaboración!!
E ademais, aquí vos deixamos unha mostra dos murais que fixeron as cativas e cativos.
Tamén queremos agradecer de xeito especial ao CIM Terras de Iria o agasallo que nos fixeron para cada un dos peques e para cada escola do CRA: o libro "Os Bolechas visitan o CIM Terras de Iria". Grazas por contar con nós!
Para finalizar desexamos compartir con vós esta canción titulada "Sororidade" na que participan mulleres de Dodro, Padrón e Rois, co que o Centro de Información á Muller Terras de Iria, conmemora o Día da Muller 2022.
O noso Entroido en Dodro
Qué importante é coñecer o noso contorno, sobre todo o máis próximo. En Dodro temos a sorte de contar con numerosos lugares, espazos naturais e construcións que teñen unha grande riqueza estética e cultural. Desde o CRA, coa colaboración dos nosos peques e das familias, queremos compartir estas xoias do noso Concello para que desfrutedes tamén do noso patrimonio.
Agardamos que vos guste!
Club de lectura no CPI Eusebio Lorenzo Baleirón
Desde o CPI pídennos colaboración para difundir o seguinte aviso:
Veciñanza, familias, ex alumnado,..., no Baleirón temos novo proxecto!
Animádevos a participar con nós no CLUB DE LECTURA PARA ADULTOS E CASE ADULTOS: LECTURAS ENTRETIDAS (en préstamo desde a nosa biblioteca), xuntanza para compartir e visita dos autores ou autoras, cando sexa posible.
Dentro do programa de Bibliotecas Escolares "Lectura e familias" iremos desenvolvendo diversas actuacións, pero comezamos con esta proposta.
Correde a voz! Invitade a quen desexedes! Avisade aos vosos fillos, sobriños,.., ex alumnos do centro, e xa sabedes: SE EU LEO, OS PEQUENOS LEN!
No caso de estar interesados, contactade co CPI Eusebio L. Baleirón no teléfono 881 86 70 41, e preguntade por María J. Morlán.
Moitas grazas!!
- « primeira
- ‹ anterior
- …
- 12
- 13
- 14
- 15
- 16
- 17
- 18
- 19
- 20
- …
- seguinte ›
- última »