Estimadas familias
O xoves 20 de maio saíu publicada no DOG a Orde do 6 de maio do 2021 pola que se regula a participación no fondo solidario de libros de texto e se convocan axudas para adquirir libros de texto e material escolar para o alumnado matriculado de educación primaria en centros públicos para o curso 2021-22. As solicitudes poden ser entregadas até o 22 de xuño (este incluído).
Para facer a solicitude teredes que acudir a aplicación Fondolibros e cubrir os formularios requeridos (Anexo I e Anexo II) e entregalos pola sede electrónica ou ben podedes presentar toda a documentación no centro. Recordade que atendendo as recomendacións sanitarias, para acudir ao centro de forma presencial, usedes primeiro as canles de comunicación para solicitar cita previa.
A continuación, presentamos un documento onde se vos explica o máis salientable da Orde e que vos pode ser de axuda. Tamén están os dous anexos que hai que cubrir, para que se así o desexades os poidades descargar e imprimir. Se tedes algún problema para imprimir tamén se vos facilitarán impresos nas respectivas escolas e na sede do CRA.
Importante: O alumnado que o vindeiro curso continuará estudos nun novo centro, deberá entregar a documentación no novo centro.
Para calquera dúbida estamos a vosa disposición nos teléfonos: 881885502 (Dirección) 687769635 (Secretaria).