Curso 2022-2023

Este ano 2023 o Día das letras Galegas rendeu homenaxe a Francisco Fernández del Riego.

Dende o centro celebrámolo cunha alborada na Casa Cultural de Arcos, un espazo novo para nós no que gozamos dunha contada, cociñamos bicas de millo, realizamos xogos populares, bailamos e elaboramos unha pequena alfombra de flores. 

Tamén fixemos unha ruta ata a Pedra do Equilibrio da Picaraña, lugar emblemático que dá nome ao noso CRA e desfrutamos de tempo xunto ás familias do noso alumnado.

Se queredes ver algunhas fotos máis, podedes acceder ao noso Instagram a través das seguintes ligazóns: 

Un ano máis, e despois do parón por mor da Covid-19, volvemos participar no Correlingua, neste 2023 baixo o lema ¨Na casa, na escola, bota a lingua fóra¨.

Trátase dunha actividade que transita dunha localidade a outra cun denominador común: a normalización lingüística da mocidade e a infancia.

Partindo de A Feira Vella, realizamos unha pequena andaina por Ponteareas, en prol da nosa lingua, como reivindicación do dereito a medrar en galego e tamén a exercer de maneira efectiva como galegas e galegos a través do uso do noso idioma.

Unha vez volvimos ao parque, rematamos a xornada gozando dun animado concerto da man da Mekánika Rolling Band. 

Ilustrando o 8M

Dende o EDLG lanzamos a proposta de coñecer a diversas mulleres ilustradoras galegas actuais e afondar nos seus traballos en torno ao 8M. 

Primeiro analizamos as súas ilustracións, comparamos técnicas e falamos das mensaxes que querían transmitir con elas. 

A continuación, partindo delas, buscamos outras creacións destas artistas contemporáneas e con toda esta información pasamos a crear as nosas propias ilustracións para conmemorar o Día da Muller, ben individualmente ou de forma conxunta.

Coa chegada do día de Rosalía de Castro, quixemos coñecer un pouco máis as súas verbas, ilustrar os seus versos e afondar no que nos facían sentir e pensar. Deste xeito traballamos tamén a literalidade das palabras que escoitamos.

Como resultado xurdiron estes dous vídeos tan fermosos.

Podedes ver a publicación do Instagram no seguinte enlace:

https://www.instagram.com/p/CpisEiZtFZb/?igshid=YmMyMTA2M2Y=

Polo Nadal, dende o EDLG, animamos a impulsar a figura do Apalpador nas nosas aulas.

Dende o EDLG, xunto co Equipo de Biblioteca e o Equipo de Infantil, organizamos unhas xornadas de outono na nosa biblioteca de centro, en Ganade, conmemorando a festa tradicional do Magosto, tan representativa en Galicia.

Puxemos en marcha diversos obradoiros, como o de contacontos, xogos populares, creación artística e colaborativa con elementos naturais, disfraces e construcións con teas, bechos, maleta creativa e degustación e pintura con castañas.

Podedes ver fotografías da convivencia e das diferentes actividades no noso Instagram, nos seguintes enlaces: 

https://www.instagram.com/p/Ck6vyvvNuK_/?igshid=YmMyMTA2M2Y=

https://www.instagram.com/p/Ck6xMXdtSg1/?igshid=YmMyMTA2M2Y=

https://www.instagram.com/p/Ck6yVfwt0_T/?igshid=YmMyMTA2M2Y=

OS CALACÚS

Como xa explicamos anteriormente, e a raíz do Samaín, dende o EDLG propuxémoslle ás familias continuar coa

tradición dos calacús. Aquí podedes ver algúns deles.

Tamén podedes visualizalos no Instagram do centro, nos seguintes enlaces:

https://www.instagram.com/p/Ckp13y-tpKZ/?igshid=YmMyMTA2M2Y=

https://www.instagram.com/p/Ckp2uEAtKlZ/?igshid=YmMyMTA2M2Y=

OS CALACÚS

O Samaín é unha festa que provén dos nosos antepasados castrexos-celtas, pobos afoutos que viviron en Galicia.

Celebraban unha gran festa para conmemorar o final da colleita, gardar provisións para o inverno e dar a benvida ao

Novo Ano Celta. Tiñan a crenza de que esa noite, as ánimas dos mortos volvían a visitar ás súas familias. Por iso

acostumaban a facer farois con nabos e carbón quente para guiar os espíritos bos de volta aos castros e espantar os

malos (as cabazas foron posteriores, pois importáronse de América).

Co auxe da relixión cristiá, esta antiga festa celta comezou a chamarse Día de Todos os Santos, en inglés All Hollow’s

Eve, pois en Irlanda, Inglaterra ou Escocia, onde habitaron tamén pobos celtas, mantívose a festa do Samaín, e

trasladouse a América coas emigracións, derivando no mundialmente coñecido Halloween.

O feito é que, da antiga festa celta, ao longo dos anos en Galicia mantívose a tradición de celebrar a festa da fin da

colleita mediante os magostos. E en moitos puntos de Galicia tamén se mantivo a tradición de alumear a noite con

farois feitos con nabos ou cabazas para guiar os espíritos. En Xermade, fan farois con remolachas e chámanlle

BONECAS. Nas Rías Baixas, adornan cabazas coas espigas do millo, coma se tivesen cabelo, mais non lle poñen luz

, e chámanlle CALACÚS. En Cedeira chámanlles CALIVERAS de melón. En Ortigueira CALABAZOTES, en Ourense

COLONDROS,…

Dende o EDLG da Picaraña, propoñémosvos a todas as familias que, recuperemos xuntas as

nosas tradicións e para iso realicedes o voso CALACÚ (poden estar baleiros ou non, ao xeito

tradicional), decorados con elementos naturais, como espigas, castañas, landras, noces,

follas,… ou como vos apeteza! 

O día que vos toque visitar Ganade para a celebración do Magostín, traédeo á biblioteca para

que toda a comunidade educativa poda desfrutar da vosa creación.