Boas, familias!!
Xa estamos aquí un día máis para actualizar o blogue celebrando o día dos dereitos dos nenos e das nenas :)
Esta semana estivemos traballando nas aulas os diferentes dereitos dos nenos e nenas e a súa importancia: dereitos como a saúde, a educación, a protección, a liberdade, a integración, o xogo, a alimentación, a vivenda ou ter unha familia.
Estivemos falando e reflexionando cos peques sobre que era para eles ter todos eses dereitos e a súa importancia. Comentamos se pensaban se tiñamos todos eses dereitos ou se habería algún neno ou nena no mundo que non os tiñan.
Todos viron a importancia da loita por todos os dereitos fundamentais da infancia...a LOITA POLOS SEUS SOÑOS!
Ademais, os nenos e nenas de secundaria fixeron un vídeo cunha proposta para todo o centro e animándonos a todos/as a vir todos coa cor azul, máscaras, mans, uñas,… e REIVINDICAR OS DEREITOS DA INFANCIA!!
Se vos preguntades polo motivo de empregar a cor azul, aquí tedes o vídeo:
Por unha garantía segura dos dereitos dos nenos e nenas en todo o mundo.
Deixámosvos o vídeo coa nosa pequena aportación e reivindicación, esperemos que vos guste.
Saúdos familias, moito ánimo aos que estades na casa, coidádevos moito e pronto volveremos a estar no cole :)
Ata a próxima!