O pasado venres 11 de febreiro conmemoramos no centro o Día da Muller e a Nena na Ciencia. Co fin de visibilizar a algunhas das grandes mulleres que aportaron no ámbito científico, fixemos unha exposición no centro, coa sempre incansable colaboración das nosas alumnas de 4º ESO.
Para completar a celebración deste día, o profesor da Facultade de Informática da UDC; Víctor Manuel Carneiro Díaz, ofreceunos unha conferencia na que puidemos coñecer os principais traballos de investigación que están a levar a cabo as súas alumnas de Máster en Ciberseguridade.
