Pongámonos en su lugar ( 22 cuentos contra el maltrato animal) é o proxecto que levou a cabo o alumnado de 1º de ESO na materia de Lingua castelá consistiu nunha antoloxía de relatos breves que compuxeron as rapazas e rapaces tras a súa reflexión sobre o dano que os humanos infliximos en ocasións aos animais. Comezamos o proxecto coa lectura de contos relacionados con esta temática e a partir de aí, puxémonos a traballar para crear historias orixinais nas que os protagonistas foron cans abandonados, elefantes capturados ou leóns encerrados en zoos. Con todos os relatos creamos unha recompilación ilustrada que esperamos poida servir para concienciar aos demais compañeiros acerca do coidado e protección dos animais.

 Mañá sábado, 15 de xuño, volve a gran recollida cidadá contra a BASURALEZA para frenar as consecuencias da basura abandonada en espazos naturais. dentro do proxecto Libera, unidos contra a basuraleza.

 O alumnado de 5º e 6º, que somos moi madrugadores, xa nos puxemos hoxe man á obra e deixamos o patio do CPI coma os chorros do ouro. Recollemos ata os microplásticos máis micro.

Aquí nos tendes, orgullosos da nosa tarefa. 

Cada día é máis habitual que os nenos/as pidan un can ou un gato como agasallo de Nadal ou de aniversario, sen pensar en todas as necesidades que vai ter ese novo membro da familia. En non poucas ocasións, as familias vense sobrepasadas polas atencións que lle teñen que dispensar, sen entrar xa a falar do gasto económico que supón: veterinario, menciñas, comida, etc. Moitas veces, a historia remata en animais abandonados que, no mellor dos casos son adoptados por unha nova familia.

Co obxectivo de concienciar ao alumnado de Primaria sobre todo o que un animal de compañía pode precisar cando pasa a formar parte da nosa familia, os alumnos/as de 6º de Educación Primaria, dentro da área de Linguas Estranxeiras, prepararon unha presentación bilingüe (inglés/galego)  sobre aspectos a ter en conta á hora de adoptar un animal.

Foi unha experiencia proveitosa tanto a nivel lingüístico –xa que se trataba dunha exposición oral sobre textos extraídos da Internet, analizados e resumidos- como a nivel traballo en valores.

Hoxe, Día Mundial do Medio Ambiente, tod@s @s alumn@s de Primaria fixemos un roteiro pola Braña, acompañados polos axentes medioambientais, para ver na natureza todo o que aprendemos onte nas charlas impartidas no cole.

Polo camiño atopamos a Coco, o canciño de Bruno, que veu a saudarnos.

Tamén vimos as vacas da familia de Íker.

Beiras e Samuel aproveitaron para ensinarnos a diferenciar especies vexetais e contáronnos moitas curiosidades sobre cada unha.

Un descanso no camiño para repoñer forzas. E, xa despois, continuamos coa ruta vendo os carrizais ou canaveiras. Sodes capaces de distinguir cal é a especia autóctona?

Ao pouco chegamos ao "bosque encantado", no que continuamos vendo curiosidades das distintas especies. Ata vimos unha avispa enorme e fomos capaces de observala sen facerlle dano. Agora si que sabemos diferencialas das velutinas.

Desde o CPI de Dodro agradecemos enormemente a Beiras, Samuel e Tito a súa implicación nesta actividade. MOITÍSIMAS GRAZAS  aos tres.  Resultou unha experiencia enriquecedora. Quedamos para outra ocasión!

Velaquí un resumo do percorrido. 

GALERÍA DE FOTOS

Hoxe tivemos entre nós a Beiras, a Tito e a Samuel, tres axentes medioambientais que viñeron para falarnos da natureza. 

Trouxéronnos follas de diferentes árbores e arbustos da nosa contorna, para aprender a diferencialos e coidalos. Follas de loureiro, carballo, sanguiño, fiuncho, bieiteiro,... Explicáronnos que non debemos cortar nin arrancar herbas pois moitas delas serven como alimento ou refuxio para moitos animais.

Faláronnos tamén dos habitantes do río: lontras, lampreas, garzas,... e dos problemas que acarrean os vertidos, a contaminación e as especies invasoras tanto vexetais (herba da pampa, mimosa,...) como animais (visón, tartaruga,...). 

Puidemos escoitar o canto de aves en perigo de extinción como a escribenta das canaveiras, da que só quedan 1 ou 2 parellas en toda a braña.

Tamén nos falaron sobre o seu traballo como axentes medioambientais, que velan polo benestar animal, realizan repoboacións, controlan obras e vertidos ao río ou na súa contorna, manteñen o Centro de Recuperación de fauna silvestre,...

Precisamente deste centro proviña o miñato que ceibamos no noso patio, un exemplar que foi capturado no aeroporto e xa vai coa 3ª vez que se recolle e se solta de novo. Podedes velo no vídeo da galería, a ver se colle parella e se queda connosco aquí en Dodro!

Pero,sen dúbida, unha das tarefas máis importantes é o labor de concienciación de coidado da natureza, tanto nas escolas como a toda a poboción en xeral. Moitas grazas a estes tres axentes que nos acompañaron.

Mañá 5 de xuño, Día Mundial do Medio Ambiente, se o tempo nolo permite, poremos  en práctica os seus consellos no roteiro que imos realizar polas Brañas de Dodro.

Xa vos contaremos!

GALERÍA DE FOTOS

VíDEO

O alumnado de valores de 5° de EP, realizou un traballo de reflexión en consonancia cos dereitos dos animais, ademais de confeccionar un decálogo de coidados para unha tenza responsable dos nosos amigos e amigas. Todos xuntos colaboramos e deixamos a nosa mensaxe reflectida nun mural!: PROTEXE AOS ANIMAIS!

Por fin conseguimos coller a unha das crías da gata que nos frecuenta. É  macho e  é precioso. Xa ten familia de acollida. Esperamos poder coller aos dous irmáns que quedan  e atoparlles un fogar.

Atópase moi ben a pesares de que, ao principio, estaba moi asustado..xa come, xoga e ronronea...chámase Truco:

A nai será recollida tamén para ser esterilizada.

Este curso, ligado ao Proxecto de Centro, quixemos facer unha homenaxe aos nosos mellores amigos, os nosos compañeiros na vida.

Consistiu en carteis, realizados con fotos tomadas polos nosos fotógrafos preferidos (LA DIAPO FOTOGRAFÍA) e elaborados por estes mesmos fotógrafos con escenas moi famosas de películas nos que os protagonistas principais serán os nosos compañeiros de catro patas, tratando de sensibilizar e promover o amor polos animais.

A idea inicial dos carteis xurdiu do traballo do alumnado de 4º de ESO e colaboran o Departamento de Tecnoloxía e o de Matemáticas.

As nosas estrelas principais foron Gilda, Púa, Chuva, Balú e Bimba. Aquí as tedes...

Balú e Bimba

Chuva y Gilda

Púa

Grazas tamén a Rosalía, Isi, Cachicha e Bibiana  que nos botaron unha man traendo aos seus animaliños.

GALERÍA DE FOTOS

O alumnado de 1º de ESO, dentro da materia de Bioloxía, construiu trampas para capturar vespas velutinas que, nesta época saen dos niños para colonizar novas zonas. Estas trampas foron realizadas con material de refugallo e foron colocadas no cole e tamén nas diferentes áreas onde residen estes alumnos e alumnas. Esperamos poder así axudar a erradicar esta especie que causa estragos nas colonias doutros insectos autóctonos, en especial nas das abellas.

Como novidade, comentar que a receita da substancia atraínte que se introduce nas trampas será elaborada polo propio alumnado de xeito experimental.....a ver que resultado dá.