RETRATOS CON PANO DE FONDO
Retratos con pano de fondo
Vedra medra promove estes días previos ao Nadal unha actuación de dinamización a partir da exposición "Ballesteros, fotógrafo" que acolle o noso centro dende mediados de novembro.
Luis Ballesteros falounos, cando nos visitou, acerca da súa técnica de fotografado: a saba branca de fondo.
Nós quixemos emulalo e retratar á vella usanza os/as alumnos/as máis pequenos de ESO: 1.º A e B actuaron de modelos.
Retratos con pano de fondo terá continuidade e, de aquí a pouco tempo, os rapaces poderán exercitarse como fotógrafos nas súas casas.
Pero mudarán as tornas e cando toque imos convidar os avós e bisavós para que se convertan nos nosos protagonistas.
Vedra medra aposta firmemente pola xente maior de Vedra.
En breve, teredes novas nosas….
