Novas

O noso concurso de ortografía xa ten gañador!

O 23 de abril, coincidindo co Día do libro, sorteouse entre todas as participacións (88) o libro electrónico premio do concurso. O gañador foi Anxo Giráldez, de 5ºB Ed.Primaria, que participou con dous erros atopados.

O sorteo foi emitido en directo por videoconferencia segura tras a visualización do vídeo remitido polo Sr. Alcalde de Baiona co motivo do Día do Libro.

Coas lecturas de 4º da ESO, puidemos achegarnos a dúas adolescencias ben diferentes con Anne, a de Tellas Verdes e Iridium.
En primeiro lugar, de Anne chamounos a atención a súa forma de vida, tan afastada do noso día a día, sen luz nin ducha! Seguir os seus pensamentos foi como subirse a unha montaña rusa de emocións: nun momento dramática e noutro exuberante. Houbo cuestións peculiares sobre a protagonista que nos causaron grande interese, como a súa teima co seu aspecto físico ou o seu costume de falar cos obxectos inanimados. Alegre, intensa e necesitada de encher a gran soidade que sempre sentiu por ser unha nena orfa incomprendida, refuxiouse na literatura, a mesma que empregamos para nos evadir desta pandemia, para se aferrar á cordura, aínda que en ocasións esa súa cordura ten uns límites difusos e resulta excéntrica e excesiva, rozando a loucura.
Por outra parte, en Iridium encontramos un relato breve e descarnado da loita interior que sofre unha rapaza, logo dun accidente que muda por completo a súa vida, para afrontar as consecuencias e procurar de novo o seu lugar cando a súa percepción sobre a vida e as perspectivas de futuro cambian radicalmente. Da obra gustou a forma en que o autor ficcionou a discapacidade, sendo quen de reflectir unha sociedade que adoita deixarse levar polos prexuízos e o vitimismo. Sentímonos moi identificadas e identificados co relato que a protagonista fai do uso das redes sociais, como un mecanismo de desconexión da realidade que permite finxir unha vida feliz sustentada por likes. O final, tan aberto e diferente ó esperado, resultou francamente sorprendente.

O equipo de Biblioteca convoca o concurso de ortografía aberto a toda a comunidade educativa.

Se "cazas" un erro ortográfico ou grella en carteis, xornais, etc preséntaos ao concurso do 1 de marzo ao 22 de abril na conserxería do centro. Está en xogo un libro electrónico!

Esta actividade pretende potenciar o valor da expresión escrita, a posta en valor da lingua, o espírito crítico, a observación, fomentar o correcto uso da lingua,...

Despois de moitos avatares, unha reforma integral, unha mudanza e polo medio unha pandemia mundial, Lentiña volve chea de libros á súa nova casiña, a nosa biblioteca do CPI de Cova Terreña. Despois de moito traballo, os profesores e profesoras xunto co Equipo de Biblioteca quere darvos a BENVIDA a un novo espazo amplo, luminoso e agradable, creado con moito agarimo para todos vós. Aínda que seguimos en construción, desexamos que o gocedes e que poidades sacarlle o máximo partido.

Como é Lentiña, a nova biblioteca?

A nova biblioteca atópase na planta baixa do centro, xusto diante do acceso ao patio norte. Aquí tedes algunhas imaxes do que poderás atopar nela:

A distribución de seccións é a seguinte:

A Clasificación Decimal Universal (CDU)

As bibliotecas de todo o mundo están organizadas segundo a Clasificación Decimal Universal, chamada CDU. Este sistema consiste en en darlle a cada libro unha numeración segundo o tema. Todos os libros coa mesma numeración tratan o mesmo tema e están na mesma sección.

A CDU clasifica todos os libros en categorías numéricas, cuxo primeiro díxito indica a súa temática xeral. Segue a Lentiña no seu percorrido polas CDUs.

Dentro de cada categoría numérica a nosa biblioeca ten as seguintes subcategorías.

Despois do código numérico da sección onde se atopa o libro, na CDU aparecen as tres primeiras letras do apelido do autor, e por último as tres primeiras letras do título, sen contar artigos e preposicións.

Por exemplo:

Se buscamos O lapis do carpinteiro de Manuel Rivas, a súa clasificación será a seguinte:

82-N

RIV

lap

Normas da biblioteca

1. A duración do empréstito é de 15 días. Poderá ampliarse se o libro non ten demanda.
2. Podedes reservar un libro.
3. Na biblioteca deberás estar en silencio.
4. Prégase non levar ningún tipo de comida nin bebida á biblioteca.
5. O uso dos libros será sempre coidadoso.
6. Despois de ler un libro tedes que colocalo no carriño.
7. Podedes empregar os ordenadores para consultar información, enciclopedias, CD ou DVD. Se escoitas música terás que pedir uns cascos.
8. NON se empregará internet sen a supervisión do profesor ou encargado da biblioteca.

• O uso da máscara será obrigatorio para acceder á biblioteca para todo o alumnado, inclusive para Ed.Infantil, como medida hixiénica preventiva, polo posible uso das instalación por diferentes grupos de diferente etapas na mesma xornada lectiva.
• Será obrigatoria a hixiene de mans con xel hidroalcólico tanto á entrada como á saída da biblioteca.
• O alumnado desinfectará o seu posto antes e despois do seu uso.
• O emprego de xogos de mesa queda restrinxido.
• O alumnado que empregue material común (ordenadores) deberá desinfectalo antes e despois do seu uso.
• A biblioteca disporá de dous carriños específicos para realizar unha corentena ata o día seguinte de todos os libros utilizados (tanto por consulta na biblioteca como por empréstito).
• Consulta na biblioteca: o alumnado deixará os libros, periódicos ou revistas consultados no carriño.
• Empréstito: o profesorado de garda depositará os libros devoltos no carriño para a correspondente corentena ata o día seguinte.
• Ventilación: a biblioteca permanecerá ventilada de forma permanente mediante unha apertura mínima de 5 cm en ambos os extremos das ventás que dan ao patio.

Agora que liches esta guía, podes amosar o que aprendiches neste cuestionario da aula virtual.

O equipo de Biblioteca preparou o "Punto Lila" a disposición de toda a comunidade educativa.

Contra a violencia, Educación. E non hai Educación sen lectura.

O equipo de Biblioteca, co gallo do Día do Libro, quiso involucrar a todo o alumnado do centro nun lipdub no que facemos un percorrido polo noso centro guiados polas nosas lecturas favoritas.

O 23 de abril celebramos o Día do Libro con moitas actividades. Entre elas tivemos Lecturas compartidas onde tomamos o patio, o noso libro, mantiña e coxín e compartimos lectura entre maiores e pequenos.

Neste enlace podedes ver fotografías dalgunha das actividades levadas a cabo polo equipo da biblioteca.

O martes, 19 de febreiro de 2013, os nenos e nenas gañadores do concurso "MENÚ das cartas" recibiron o seu premio. Por xentileza do Parador de Baiona foron agasallados cunha merenda nas instalacións de dito Parador.    O menú consistiu en minihamburguesas, sanwiches, dulces, froita e non podían faltar as deliciosas gominolas. Estaba todo riquísimo e caimos todos na tentación de comer algo de máis.    Queremos darlle as grazas a dirección e persoal do Parador de Baiona por esta estupenda merenda. Tamén agradecer aos pais e nais do programa "Familias donas de recursos" pola súa orixinalidade e implicación nesta actividade. A tódolos restaurantes da vila que nos deixaron os seus menús queremoslle agradecer a súa colaboración. E por suposto ao profesorado e o alumnado do centro polo seu traballo e interés.   Un saúdo a todos e todas.

Fai CLIC para ver as fotos.

La Edad Media, Medievo o Medioevo es el período histórico de la civilización occidental comprendido entre el siglo V y el XV. Su comienzo se sitúa convencionalmente en el año 476 con la caída del Imperio romano de Occidente y su fin en 1492 con el descubrimiento de América,^[1] o en 1453 con la caída del Imperio bizantino, fecha que tiene la ventaja de coincidir con la invención de la imprenta (Biblia de Gutenberg) y con el fin de la Guerra de los Cien Años.