Este trimestre os alumnos de 6ºA fixeron unha serie de prácticas de laboratorio co obxectivo de profundizar nalgúns contidos que estudaron na área de Ciencias Naturais ao longo do curso.

Unha das prácticas consistiu na realización de diferentes mesturas:

- unha disolución de zume de limón e auga;

- unha mestura de leite e zume de limón, que nos permitiu observar a precicipación da caseína (unha das proteínas presentes no leite) ao reaccionar co ácido cítrico e

- unha mestura de bicarbonato sódico e zume de limón, na que observamos como na reacción química se desprende dióxido de carbono.