Xerais do centro
INTELIXENCIA VERBAL PARA ALUMNADO
| O alumnado de 6º de Educación Primaria, xunto co alumnado de todos os cursos da ESO terá unha sesión de formación con Antonio Coque, (autor de varios libros, entre eles: “Intelixencia verbal”). Antonio Coque é licenciado en dereito e avogado do Ilustre Colexio de Avogados de Madrid. Estudou comunicación na Universidade do Norte de Florida (USA). Como experto en comunicación imparte seminarios, cursos e conferencias do método Defensa verbal & Persuasión así como en técnicas de comunicación, habilidades sociais, liderado, negociación, mediación, coaching e persuasión útiles para diferentes áreas profesionais en institucións, empresas, centros e organizacións. Na súa intervención no CPI de Castroverde centrarase na aplicación destas técnicas de comunicación para que o alumnado saiba como resolver conflitos e mellorar as súas competencias comunicativas. A sesión terá lugar o luns 26 de xaneiro de 2015, de 13:25 a 14:15 horas e poden asistir os familiares do alumnado que estean interesados. |
 |
DESPEDIDA DE RYAN
Ryan foi o noso auxiliar de conversa durante estes dous últimos cursos. Despedímonos del con moita emoción porque foi unha persoa moi importante para nós: ensinounos inglés de forma divertida, transmitiunos a súa alegría e inculcounos o desexo de aprender sobre a súa cultura. Ó mesmo tempo el foi quen de esforzarse por aprender a nosa lingua con resultados sorprendentes para alguén que non esperaba encontrar outro idioma aquí e empapouse dos noso costumes e cultura.
Esperamos que nos volva visitar moi pronto para seguir compartindo saberes e sentimentos e que lle vaia moi ben nesta nova fase da súa vida. Ata sempre Ryan.
 |
 |
