Tarefa para a UD 6

TAREFA UD 6

Enunciado:

A tarefa consta de tres actividades:

• A primeira consiste en poñer exemplos reais dos diferentes tipos de empresas e organismos que estudamos no tema. Isto permitirache achegarte á realidade empresarial da túa localidade e tamén do ciclo formativo que estás cursando.
• A segunda pretende que elabores o teu propio esquema dunha parte importante do tema, pedímosche que fagas o teu propio cadro resumo comparativo das características de cada unha das formas xurídicas máis importantes.
• Na terceira actividade orientarémoste na confección da parte do teu plan de negocio que ten relación con este tema.

• Actividade 1:

  Elabora un informe con exemplos reais de:

  1. Unha empresa de cada un dos sectores económicos clasificándoa segundo a actividade económica que realiza (Inclúe o nome da empresa, a actividade á que se dedica e, se che parece oportuno e ten web, a URL).
  2. Un exemplo de empresa local, rexional, nacional e multinacional e indica o ámbito territorial no que desenvolven a súa actividade.
• Actividade 2:

  Elabora o teu propio cadro resumo comparativo das formas xurídicas que estudamos:

  • O empresario individual.
  • as sociedades limitadas.
  • as sociedades limitadas nova empresa.
  • as sociedades anónimas.
  • as sociedades laborais.
  • as cooperativas.

  De cada un destes tipos debes completar os seguintes apartados:

  Denominación/capital social/n.º de socios e socias/responsabilidade/impostos/ 

• Actividade 3:

  Elaboramos o plan de negocio

  Á vista do estudado nesta unidade, completa os seguintes datos do teu plan de negocio:

  1. Clasifica a túa futura empresa atendendo aos criterios de clasificación establecidos no tema (sector económico, actividade, tamaño, titularidade do capital, ámbito territorial...).
  2. Decide unha forma xurídica para a túa futura empresa e xustifica por que a elixiches.

  Indica: ademais:

  • a denominación social.
  • as persoas que a integran.
  • responsabilidade ante as débedas.