O VASO DOS ELOXIOS
O vaso dos eloxios
Levamos a cabo esta actividade, na clase de terceiro, para traballar a autoestima:
1º Presentamos a actividade e falamos sobre o que pretendiamos acadar.
2º Realizamos a actividade plástica para confeccionar o noso vaso a partires dunha botella de plástico que reciclamos e
decoramos para facer o noso vaso.
3º Durante varios días fumos dedicando 20 minutos a completar a actividade que consistiu en escribir algo positivo, de
xeito individual e anónimo, sobre o compañeiro ou compañeira que correspondía; podía ser referente ao seu aspecto
físico, a súa personalidade ou algún feito que realizara nalgunha ocasión e que nos agradou.
4º Por último cada neno ou nena protagonista tiña que ler en voz alta cada unha das mensaxes.
Valoración da actividade
A actividade resultou moi motivadora para os nenos e nenas. Gústoulles moito o traballo plástico pero, sobre todo, as distintas actividades de expresión escrita e oral que implicaba a actividade. Era moi agradable ver a cara do protagonista cando lía as mensaxes que lle adicaban os compañeiros e compañeiras, de feito moitos deles quixeron levalos para a súa casa!
Axudoume tamén a min, como titora, a coñecer mellor aos meus alumnos e alumnas e as relación entre eles.