Conciencia Emocional

A conciencia emocional é unha competencia intrapersoal que consiste en tomar conciencia do propio estado emocional e manifestalo de forma verbal e non verbal, ademais de ser capaces de recoñecer sentimentos e emocións nas demais persoas.

As emocións son estados afectivos que experimentamos. Reaccións subxectivas ao ambiente que veñen acompañadas de cambios orgánicos -fisiolóxicos e endocrinos- de orixe innata.

Existen seis categorías básicas de emocións:

• MEDO. Anticipación dunha ameaza ou perigo que produce ansiedade, incerteza, inseguridade.
• SORPRESA. Sobresalto, asombro, desconcerto. É moi transitoria. Pode dar unha aproximación cognitiva para saber o que pasa.
• ASCO OU AVERSIÓN. Desgusto, asco, acostumamos a fuxir do obxecto que nos produce aversión.
• IRA. Rabia, enfado, resentimento, furia, irritabilidade.
• ALEGRÍA. Diversión, euforia, gratificación, contentos, da unha sensación de benestar, de seguridade.
• TRISTEZA. Pena, soidade, pesimismo.

As emocións teñen unha forma de expresarse. En certa medida son controlables, grazas á aprendizaxe familiar e cultural de cada grupo: 

• Accións e xestos.
• Expresións faciais.
  
• Distancia entre persoas.
• Compoñentes non lingüísticos da expresión verbal (comunicación non verbal).

Existen outras compoñentes fisiolóxicas e involuntarias, iguais para todos:

• Tremor.
• Rubor
• Sudoración
• Respiración axitada
• Dilatación pupilar
• Aumento do ritmo cardíaco