Avalada por catro décadas de investigacións nun tema tan discutido como é o bilingüismo, Ellen Bialystok (Toronto-Canadá), referente en Psicoloxía, ven de publicar na revista "Neurology" o seu informe e as súas conclusións, reforzadas polas opinións de colegas seus :Judith Kroll (Pensilvania), Amy Weinberg (Maryland) e Teresa Bajo (Granada).

Nelas poderedes apreciar que xa non se poden por en tela de xuicio os beneficios do bilingüismo: ter competencias en dúas ou máis linguas mellora o comportamento do noso cerebro (investígase se tamén o tamaño) e mesmo retrasa a posibilidade de ter Alzheimer...

É a nosa responsabilidade preservar a lingua para as xeracións futuras: semella unha tarefa moi interesante que poidamos tamén, "de paso", mellorar as súas capacidades e "defender a súa memoria", non si?

O comezo da enfermidade de Alzheimer parece para que pode retrasarse ao redor de catro anos en falantes bilingües. Aprender unha segunda lingua e falala regularmente pode mellorar as vosas habilidades cognitivas e atrasar o comezo da demencia, segundo investigadores que compararon individuos bilingües con persoas que falaban só unha lingua.

O seu estudo suxire que os falantes bilingües son quen de retrasar os primeiros síntomas do Alzheimer, catro anos mais de media, cos monolingües. As habilidades lingüiísticas escolares que utilizas nas vacacións mesmo poden mellorar a función de cerebro ata algún punto.

Ademais, os nenos bilingües que utilizan a súa segunda lingua regularmente son mellores priorizando tarefas e na realización de multitarefas., comparados cos nenos monolingües, Ellen Bialystok, unha psicóloga da Universidade de York en Toronto:

"Ser bilingüe ten beneficios cognitivos seguros e potencia o rendemento do cerebro, especialmente nunha das áreas máis importantes coñecida como o sistema de control executivo," dixo Bialystok o venres na reunión anual da Asociación americana para o Adianto de Ciencia en Washington, DC.

"Sabemos que este sistema deteriorase coa idade, mais nós atopamos que en cada etapa da vida funciona mellor en bilingües. Actúan nun nivel máis alto. Non por elo van deixar de padecer o Alzheimer, mais poden enfrentarse a enfermidade durante mais tempo."

Na súa investigación, publicada recentemente na revista científica Neurology, Bialystok fixo un seguimento de 211 persoas cunha alta probabilidade de padecer o Alzheimer, 102 deles eran bilingües e 109 monolinguües, e anotou a idade na cal o empeoramento cognitivo dos pacientes arrancaba. Os seus resultados mostraron que os pacientes bilingües eran diagnosticados 4.3 anos máis tarde, de media, e reseñaba o comezo dos síntomas 5.1 anos máis tarde cos pacientes monolingües.

Dixo que cambiar entre diferentes linguas parece estimular o cerebro de modo que construa unha reserva cognitiva. "É bastante parecido ao tanque de reserva nun coche. Cando te quedas sen combustíbel, podes continuar un tempo mais porque hai un pouco máis no tanque de reserva."

O efecto era máis grande naquelas persoas que tiveron que utilizar esa linguaxe cada día e escoller entre dous conxuntos de palabras todo o tempo. Mesmo así, aprender unha lingua na escola e continuar practicandoa é tamén útil, dixo. "Funciona mellor en persoas que falan dúas linguas cada día, como os inmigrantes que se moven a un país novo e falan a súa lingua propia na casa. Mais calquer uso da lingua por moi pequeno que sexa axuda."

Bialystock dixo que o seu equipo agora investigaba se utilizando dous ou máis linguas producía algún cambio físico no cerebro, alén de mellorar cognición. Os primeiros resultados suxiren que pode cambiar o tamaño de cerebro.

Outro estudo sobre persoas bilingües levado a cabo por Judith Kroll, un psicólogo da Universidade de Penn, apoia a idea de que falar máis dunha lingua mantén o cerebro en forma e reforza as funcións mentais. Descubriu que os falantes bilingües superarían aos falantes dunha soa lingua tanto en tarefas mentais como no traballo con información, extraindo dunha maneira mais eficiente e rápida a información irelevante. Os falantes bilingües son tamén mellores en priorizar e na realización de varias tarefas ao mesmo tempo, dixo.

"Probabelmente refeririamos á maioría destas vantaxes cognitivas como multitarefa," dixo Kroll. "Os bilingües parecen ser mellores neste tipo de toma perspectiva."

As súas investigacións entran en conflicto coa idea de que falar varias linguas confunde o cerebro e mesmo podería obstaculizar desenvolvemento cognitivo. "Ata o de agora dicíase co bilingüismo xeneraba confusión , especialmente en nenos. A crenza era que persoas que falaban dúas ou máis linguas tiñan ata incluso dificultades usándoas. Do resultado das súas investigacións concluese que ser bilingüe ten beneficios."

Cando falamos cos demáis, as persoas bilingües poden cambiar rápidamente entre dúas linguas, normalmente escollendo a palabra ou frase desde a lingua que máis expresa os seus pensamentos. Mais os bilingües raramente cambian a unha segunda lingua cando falan con persoas que só falan unha.

"O mais importante que descubrimos é que ambalas dúas linguas son campos abertos para os bilingües. Noutras palabras, hai alternativas dispoñíbeis nas dúas linguas," dixo Kroll. "Aínda cando a eleción sexa difícil, bos bilingües raramente fan unha elección incorrecta."

"Os bilingües son de algún xeito capaz de negociar entre as dúas linguas,"  di Kroll. "A especulación é que estas habilidades cognitivas proveñen desta utilización constante das dúas linguas, do xogo con elas."

http://www.guardian.co.uk/science/2011/feb/18/bilingual-alzheimers-brain-power-multitasking?INTCMP=SRCH