Os alumnos e alumnas de 5º e 6º de primaria do CEP Sequelo visitaron o Museo Marco de Vigo. A exposición 'Presenza Activa. Acción,obxecto e público'. Aquí tendes algunhas imaxes do que puideron disfrutar. 

'Presenza Activa':

A acción e a instalación, como disciplinas artísticas, son espello unha da outra. De feito, ambas as dúas están baseadas no mesmo principio de presenza; de presenza activa. Na performance, a presenza do artista; na instalación, a do espectador. Así, reflectidas unha na outra, instalación e acción toman direccións opostas pero superpostas, creando un eixe entre dous polos —o artista e o espectador— ao longo do cal existen infinitas posibilidades de interacción.