blogue deBelen
SEMENTAR SEMENTAREMOS!
Enviado por Belen o Dom, 26/11/2017 - 20:01O noso de proxecto intenta levar adiante a idea de que nun anaco de terra podemos ensinar e experimentar os ciclos biolóxicos máis importantes como poden ser os das plantas, materia, enerxía... coas técnicas de cultivo tradicionais. Este recurso pedagóxico mesmo pode ir máis alá dunhas experiencias prácticas para afondar en contidos teóricos de diversas materias, para realizar unha verdadeira educación ambiental.
Xa están as hortas esperando por nós, consideramos que son un recurso moi valioso para a educación ambiental, así como un contexto axeitado para a adquisición de condutas respectuosas co medio.
Ao longo desta semana comezaremos a traballar nel. Por qué a agricultura tradicional?, porque é o modelo que imos empregar para o desenvolvemento do noso proxecto, non só por cuestións de saúde ou respecto ao medio, senón porque, por riba de todo, trátase de cultura orientada cara a un progreso sostible que respecta a natureza.
Imos comezar cunha enquisa para ver canto sabedes . Pincha no enlace e adiante!
ÁNIMO, RAPACIÑOS/AS!!
CALENDARIO DA FROITA
Enviado por Belen o Ven, 17/11/2017 - 11:281ª SEMANA (DO 6 AO 10 DE NOVEMBRO):
LUNS | MARTES | MÉRCORES | XOVES | VENRES |
MANDARINA | MAZÁ | LARANXA | PLÁTANO | CASTAÑAS |
2ª SEMANA (DO 20 AO 26 DE NOVEMBRO):
LUNS | MARTES | MÉRCORES | XOVES | VENRES |
MANDARINA | MAZÁ | PLÁTANO | PERA |
MANDARINA |
3ª e 4ª semanas serán no mes de marzo.
Mentras esperamos que os nenos/as traian froita ao recreo, xa que é a merenda mais saudable e necesaria que temos para manternos sans e fortes e así poder rendir no colexio e nas actividades extraescolares.
ENCONTROS DEPORTIVOS INTERCENTROS
Enviado por Belen o Ven, 17/11/2017 - 11:241º- NO CEIP CARBALLAL: DO 15 AO 20 DE XANEIRO DE 2018. PARTICIPAN OS DE 5º CURSO.
2º- NO CEP SEQUELO: DO 26 DE FEBREIRO AO 2 DE MARZO DE 2018. PARTICIPAN OS DE 6º CURSO.
3º- NO CEIP SEIXO: DO 7 AO 11 DE MAIO DE 2018. PARTICIPAN OS DE 4º CURSO.
Comedor escolar
Enviado por Belen o Mér, 10/07/2024 - 15:10Familias:
Deixamos a enquisa para anotarse ao comedor escolar e mais información no arquivo adxunto.
https://docs.google.com/forms/d/e/1FAIpQLSc4upFsbV0MxS8lbvYdRdiCzjHGJVapfhkdsWejXtZreW6BmQ/viewform
(ANPA AIDÓN)
Actividades Extraescolares curso 2024-2025
Enviado por Belen o Mér, 10/07/2024 - 15:08Familias:
Deixamos a enquisa para apuntarse ás actividades extraescolares e no arquivo adxunto mais información.
https://docs.google.com/forms/d/e/1FAIpQLScJNVqhmQrty7eyIiPhiuhsWPLUoEvY8CEnZRWHylKJEaBIuA/viewform
(ANPA AIDÓN)
Baile fin de curso
Enviado por Belen o Mar, 02/07/2024 - 15:41Moi boas e merecidas vacacións a todos e todas!
Deixo o enlace para que poidades bailar e cantar a canción que practicamos durante o curso, o vídeo elaborado polo mestre José Antonio, grabado por algúns alumnos de 5º curso e pola Teacher.
https://www.youtube.com/watch?v=EVOWZXh-z-k
Moitas grazas a todos e todas pola colaboración.
HORARIO SECRETARÍA XULLO
Enviado por Belen o Mar, 02/07/2024 - 13:14HORARIO SECRETARÍA XULLO (DO 1/07 AO 15/07)
DE 10:00 A 13:00 HORAS
Prazos Fondo Libros e material escolar- Entrega de vales
Enviado por Belen o Sáb, 22/06/2024 - 09:18Prazos estimados para o procedemento de participación no fondo solidario
de libros de texto e das axudas para adquirir libros de texto e material
escolar
VENRES 21/06: ÚLTIMO DÍA PARA ENTREGAR
SOLICITUDES
MARTES 25/06: PUBLICACIÓN LISTAXES PROVISIONAIS
DE ADMITIDOS E EXCLUÍDOS
26/06 E 27/06: RECLAMACIÓNS
28/06: LISTAXE DEFINITIVA
1/07 AO 12/07: ENTREGA DE VALES (DE 10:00 a 12:00
HORAS)
2/09 AO 6/09: ENTREGA DE VALES (DE 9:00 a 10:00
HORAS)
-
OS LIBROS DE TEXTO ENTREGARAOS O TITOR/A A
-
PRIMEIRA SEMANA LECTIVA
MATRÍCULA CURSO 2024-2025
Enviado por Belen o Ven, 21/06/2024 - 08:30DOCUMENTACIÓN A PRESENTAR:
1- FORMULARIO QUE SE ENTREGA NA SECRETARÍA.
2- FOTOCOPIA DNI ALUMNO/A, PAI, NAI OU TITORES LEGAIS.
3- FOTOCOPIA TARXETA SANITARIA.
4- 4 FOTOGRAFÍAS TIPO DNI.
DATA DE PRESENTACIÓN: DENDE O DÍA 20 ATA O 30 DE XUÑO.
CUMPRIR HORARIO DE SECRETARÍA.
Xornada de iniciación ao remo
Enviado por Belen o Mar, 04/06/2024 - 22:55A semana pasada, tivemos a oportunidade de coñecer a dúas grandes deportistas do club de remo da ría de Marín.
Explicáronnos brevemente a teoría e despois fixemos unha práctica no remoergómetro aplicando a técnica correcta.
Fondo Solidario Libros de Texto e Axudas para adquirir Libros de Texto e Material Escolar
Enviado por Belen o Mar, 21/05/2024 - 10:08Dende hoxe ata o 20 de xuño poden solicitar as axudas de libro de texto e material escolar.
No arquivo adxunto poden descargar a solicitude e presentala presencialmente no centro ou na web https://sede.xunta.gal/detalle-procedemento?codtram=ED330B
O horario de secretaría para entregar a solicitude é de luns a venres 9:00 a 9:45 de luns a venres e de 13:05 a 14:00 de martes a venres.
Se algunha familia precisa outro horario que contacten co correo do centro.
Listaxe provisional admitidos curso 2024-2025
Enviado por Belen o Ven, 26/04/2024 - 12:29As solicitudes de admisión presentadas no noso centro para Educación Primaria están todas admitidas.
As solicitudes de admisión presentadas para Educación Infantil hai que consultalas no taboleiro.
Poden ver as listaxes no taboleiro da secretaría do centro cumprindo o seu horario (de luns a venres de 9:00 a 9:55 horas e de martes a venres de 13:10 a 14:00 horas).
7 de ABRIL- DÍA MUNDIAL DA SAÚDE
Enviado por Belen o Ven, 12/04/2024 - 15:28ESTE ANO O LEMA DO DÍA MUNDIAL DA SAÚDE É: "A MIÑA SAÚDE, O MEU DEREITO", coa finalidade de defender o dereito da poboación a ter acceso a servizos de saúde, educación e información, así como a auga potable, aire limpo, boa nutrición, vivenda, condicións ambientais e de traballo decentes.
No noso colexio, grazas á Anpa, tivemos a oportunidade de que Antonio Casal (Aula de Saúde do Club Baloncesto Peixefresco Marín) viñese a dar dous talleres (un para nenos/as e outro para mestres/as e familias) relacionados cos Primeiros Auxilios, centrándonos mais no RCP.
Aprendemos moitísimo e sobre todo, quedamos coa frase de "a peor RCP é a que non se fai".
Moitas grazas, Toño e Anpa Aidón por esta formación tan necesaria.
Orientación deportiva- Illa das Esculturas
Enviado por Belen o Mér, 03/04/2024 - 16:40A continuación, deixo unha breve presentación da xornada de orientación deportiva do pasado martes 19 de marzo, cos alumnos e alumnas de 6º curso.
PRESENTACIÓN DOCUMENTACIÓN- ADMISIÓN ALUMNADO CURSO 2024-2025
Enviado por Belen o Ven, 22/03/2024 - 10:45ANUNCIO DE APERTURA DE PRAZO PARA PRESENTACIÓN DE DOCUMENTACIÓN LISTAXE DE SOLICITUDES A BAREMAR - CURSO 2024/2025
Dada a insuficiencia de postos escolares dispoñibles para atender todas as solicitudes de admisión, de 4º de E. Infantil, presentadas para o curso 2024/2025 e de conformidade co disposto no artigo 30.2 da Orde de 21 de outubro de 2022, ábrese un prazo de 10 días hábiles (do 2 ao 15 de abril) para a presentación, de forma presencial, da documentación xustificativa dos criterios de baremo alegados para realizar a valoración e establecer a orde de prelación das solicitudes presentadas no noso centro.
Atletismo en pista- Xogade
Enviado por Belen o Dom, 03/03/2024 - 22:47O mércores pasado poidemos participar nunha xornada de atletismo en pista. Os alumnos e alumnas de 4º curso practicaron as diversas modalidades: lanzamento de vórtex, de peso, salto, relevos, 60 m e 500 metros. Foi todo un éxito!
Deixo esta portada dun vídeo que colgou a súa titora na aula virtual deste curso.
Proceso de admisión e prazas vacantes curso 2024-2025
Enviado por Belen o Mér, 28/02/2024 - 14:43O prazo de presentación de solicitudes para o novo alumnado comeza este venres 1 de marzo e remata o mércores 20 de marzo de 2024.
Poden facer a solicitude en liña (https://www.edu.xunta.gal/admisionalumnado/) ou obter os impresos de xeito presencial na Secretaría do centro en horario de atención ao público. (De luns a venres de 9:05 a 9:50 e martes de 17:00 a 18:00 horas).
Deberán achegar debidamente cumprimentado o Anexo II e o Anexo II-bis (Impreso ED550B) dispoñible no arquivo adxunto.
DOCUMENTACIÓN XERAL NECESARIA:
- Fotocopia do Libro de familia (ou documento equivalente onde figure o/a alumno/a e os demais membros computables da unidade familiar).
- Fotocopia DNI dos proxenitores
- Copia da Sentencia xudicial de separación ou divorcio e/ou Convenio regulador onde conste a custodia do menor (se é o caso).
- Certificado de convivencia dos membros computables da unidade familiar, que deberá indicar a data de alta e estar expedido no ano natural anterior ao inicio do prazo de presentación de solicitudes.
O impreso deberá ser asinado por os dous proxenitores (ou titores legais).
Lembramos que o servizo de comedor está xestionado pola ANPA Aidón e o alumnado interesado deberá formalizar posteriormente a petición de dito servizo.
No mes de maio sairá aaxuda para material e libros de texto (comunicaremos por esta vía do prazo)
Outros prazos do procedemento:
Publicación das listaxes provisionais do alumnado admitido e non admitido: 25 de abril de 2024
Publicación das listaxes definitivas: 15 de maio de 2024
Prazo para formalizar a matrícula en educación infantil e primaria: do 20 ao 30 de xuño de 2024
Prazo para formalizar a matrícula na ESO: do 23 de xuño ao 7 xullo de 2024
NORMATIVA DO PROCEDEMENTO:
-
Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
-
Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).
OFERTA DE PRAZAS VACANTES CURSO 2024-2025
EDUCACIÓN INFANTIL:
4º CURSO: 5 PRAZAS
5º CURSO: 0 PRAZAS
6º CURSO: 0 PRAZAS
EDUCACIÓN PRIMARIA:
1º CURSO: 7 PRAZAS
2º CURSO: 3 PRAZAS
3º CURSO: 2 PRAZAS
4º CURSO: 3 PRAZAS
5º CURSO: 1 PRAZAS
6º CURSO: 0 PRAZAS
Reservas de matrícula curso 2024-2025
Enviado por Belen o Mér, 21/02/2024 - 14:30Estimadas familias:
As reservas de matrícula que presentaron para este centro foron todas admitidas.
Mais adiante publicaremos as datas para a matrícula (xuño).
![RSS - blogue deBelen Distribuir contido](/centros/cepsequelomarin/misc/feed.png)