Maio 2017

Fondo de libros e axuda de material para o curso 2017/18.

Enviado por Miguel o Mar, 30/05/2017 - 10:13

Secretaría

Pódense presentar as solicitudes ata o 23 de xuño de 2017. Nos apartados de axuda de libros para 1º e 2º e Fondo Solidario de libros para 3º e 4º. E axuda de material de 1º a 6º de primaria.

Na Orde do 16 de Maio de 2017 están as bases; no seguinte enlace:

DOG do 22 de Maio de 2017.

Visita aos Museos Científicos de A Coruña. Cuarto curso.

Enviado por Anónimo o Xov, 25/05/2017 - 16:31

4º Primaria

O alumnado de cuarto curso realizou o pasado día 23 de maio unha visita cultural aos Museos Científicos de A Coruña, nos que puideron experimentar moitas das cousas que estudaron en Ciencias Naturais, ademais de coñecer a cidade.

PRIMEIRO BLOG DE SCRATCH

Enviado por josean o Ven, 19/05/2017 - 08:55

5º Primaria

Os alumnos de 5º baixo a coordinación de Martina Pazos Iglesias de 5º B, creadora do blog, andan creando un cento de xogos utilizando a linguaxe de programación Scratch. Visítao e xoga premendo enriba do logo do blog.

XXI Certame "Francisco Añón" de poesía.

Enviado por Miguel o Mér, 17/05/2017 - 16:27

Este ano, no XXI Certame de poesía "Francisco Añón" de Serra de Outes temos dous gañadores de 5ºB de primaria: Iago Garrido Carballa e Víctor Moreira González. Parabéns aos dous.

XIV Concurso de Poesía Concello de Marín.

Enviado por Miguel o Mér, 17/05/2017 - 08:00

Aquí tedes entre os gañadores a Raquel de la Torre e Pedro Ares de 6º A. Pedro Abrokwah, tamén de 6ºA non puido asistir á entrega de diplomas.

Letras Galegas 2017: Carlos Casares

Enviado por Anónimo o Lun, 15/05/2017 - 20:12

Biblioteca

Como xa sabedes, polas diversas actividades que vindes realizando, este ano o Día das Letras Galegas está adicado á figura de Carlos Casares. Seguindo a tradición do noso cole, quixemos rendirlle a nosa homenaxe cunha celebración na que participou o alumnado de sexto curso facendo una pequena representación da vida de Carlos Casares; e a actuación musical de Luis Vallecillo co espectáculo "O mundo de Carliños".

Xogo de nen@s.

Enviado por Miguel o Mér, 10/05/2017 - 08:15

Continuamos coas actividades relacionadas co Día das Letras Galegas 2017.

Nesta ocasión presentamos un vídeo argallado de forma común polos Equipos de Dinamización Lingüística do I.E.S. Mestre Landín e do C.E.P. Sequelo coa colaboración do recuncho de Tambo.

Trátase dun pequeno xogo no que debes escoitar ben as pescudas e tentar adiviñar o título dunha obra de Carlos Casares, o homenaxeado na edición deste ano.

Son dez diferentes pero... andade con tino porque dúas repítense...

Cada acerto será un punto e podedes facer competicións.

Moita sorte a todos/as!!!