A pesar de todo o traballo acumulado sempre temos un buratiño para participar naquelas propostas que pagan a pena como o Concurso de Video de Queremos Galego Marin. Estes son os catro videos cos que os nosos alumnos participan

Seguindo no noso proxecto ata o último día. Hoxe a mañá dentro do proxecto "Marín sabe a Mar" os rapaces foron a onde máis se sabe de peixe, á Praza de Abastos de Marín e largaron uns lances pola praza á captura do inmenso e rico léxico mariñeiro que inda conservamos na vila e que por falta de transmisión axeitada estase irremisiblemente perdendo. Preguntaron a quen máis sabe: os que de a cotío compran e por suposto, á que xente que fai do peixe o seu traballo. Topamos con moitos veciños, parientes e ata algún pai e nai, que nos souberon dar fé dos peixes de Marín: rabada, ollón, cazapa (pronunciese casapa)... E coma se dun Domund da lingua galega se tratara a todos aqueles que nos daban un nome repartiamoslles estas fermosas pegatinas de "Somos fala". 

Non eramos moi ambiciosos, 100 pediamos e ás 100 chegamos

Fomos cara ao barrio mariñeiro por antonomasia de Marín e alí "Seguimos as pegadas de Castelao" para ir ver e debuxar o mesmo cruceiro que el incluiu na súa obra Cruces de Pedra da Galiza e que debuxou aló polos anos 20.

Moitos foron os que manifestaron as súas dúbidas respecto a este cruceiro que agora se atopa na capela de S, Jose do Cantodarea. Castelao describeo así: "A Virxe do Socorro ten un estadullo na man, para golpear ao demo que ten aos seus pés, que ergue un brazo armado cun fouciño intentando tirar abaixo a un neno que rube pola saia da señora, quen sostén na outra man ao neno Xesús". Todo isto foi o que viron e debuxaron os nenos.

Neste ano Castelao quixemos seguir as súas pegadas por Marín, porque en palabras de Chano Piñeiro: "Non hai mellor xeito de ser universal, que sendo galegos". Está ben coñecer aos demáis e ao mundo, pero primeiro coñecete a ti mesmo, e niso os galegos temos un déficit moi grande. 

Durante o terceiro trimestre a aula de 6º B, baixo a dirección dunha das nais dos rapaces, levou a cabo un taller de linguaxe cinematográfica centrado na técnica do stop motion do que estes dous videos son os primieros productos