Os rapaces do primeiro ciclo visitaron os muiños do Barosa, onde aprenderon de primeira man a rica cultura galega ao redor dos muiños: poemas que realizaron, contos que se contaban mentres se esperaba para moer, cancións, a musica dos muíños que orixinou a muiñeira, a cultura do pan, vocabulario novo ao redor deles (maquia, moa, quenlla....) e moitas mais cousas das que este video é unha modesta testemuña.

Unha foto pola que levabamos longo tempo esperando (dende o 20 de Abril), o noso intento de videoconferencia con Morris, o popular alcalde de Padre Casares. Darlle as grazas aos compañeiros do EEI Monte da Guia de Teis de onde o actor é natural, por intentalo en todo momento. Se lembrades, o ano pasado tiñamos un proxecto conxunto con eles para celebrar o 18 aniversario do Xabarín, pois todolos anos polo 18 de abril xa sabemos que temos unha cita co porco bravo e eles invitaron a alguén vinculado co Xabarín Club, ao Mestre Mutenrohi, ao que lle poñía voz Morris.  Foi unha mágoa que a videoconferencia, un instrumento eficaz e imprescindible no aprendizaxe das linguas non funcionase mellor debido ao escaso ancho de banda que os colexios temos e non foi que o recortaran, non, e que nunca o tivemos. Antonio Durán ademáis, traballou  en moitas das obras de Roberto Vidal Bolaño e moi recentemente foi parte do elenco de actores que xunto co recentemente falecido Pico levaron ao cine a obra de Vidal Bolaño "Doentes". No Ipad que porta Morris , vedes aos rapaces de 3º A coa carouta de Vidal Bolaño na sala de informática. se xirades a foto 180 graos. Graciñas a Morris pola súa paciencia e aos compañeiros da EEI Monte da Guía polo seu traballo.

De bailar non pararon toda a mañá os rapaces e rapazas do Sequelo, agora o Limbo os de 6º A

Van os chegando os videos do festorro de Fin de Curso, os primeiros os de 4º A con este "Anxiños sen ás"