Tódolos anos por estas datas é un pracer colaboraror co lonxevo Ateneo Cultural, no seu Concurso de Contos e Debuxos. Aos nosos alumnos failles ilusión e máis se algún deles ten a sorte de ser premiado como foi o caso de: Iria Tomé (2°) , Olivia Fernández (2°), Eira Veiga (2°) e Ramiro Bouzas (6º) no Concurso de Contos, e Roi Sánchez (2º), Adriana Cambeiro (3º) e Valeria Pazos (6º) no de Contos

Noa e Antón de 6º fóronlle contar aos nenos de Infantil un conto que a eles lles gustaba moito cando eran tan pequenos coma os de Infantil. Unha experiencia excelente para os alumnos de 6º, tanto como contacontos coma espectadores ou no uso da cámara e a pértiga de son.

Moi agradecidos á profe Andrea pola axuda na preparación da sesión.

Nesta actividade o alumnado vive una aventura online para eliminar un virus que pon en perigo a misión máis importante da humanidade: a primeira viaxe interestelar. Mentres percorren a aventura, ven ejemplos sobre automatización e  domótica que se dan na nave estelar.

Outro ano máis os alumnos de 5º e 6º comezan o Proxecto Digicraft coa Avaliación Inicial que o proxecto nos propón.

Outro dos trebellos que nos chegou por mor dos Polos creativos, foi un de uso cotián nos colexios, como é a Plastificadora. Neste caso aproveitamola para plastificar as etiquetas das pezas dos robots que antes fixeramos no Gimp e que imprimimos na nova impresora que nos mandaron.

Este é o primeiro dos moitos deseños 3D que os nosos alumnos farán. Empezamos co Blender, pero buscando algo moito máis intuitivo topamos Tinkercad e é o que imos usar. O autor Roberto Carlos Santiago Nedea.

Tiñamos unha xa á que non sacamos todo o proveito que deberiamos, pero nesta Creality cr 200b, xa empezamos a imprimir. Polo de agora son so os exemplos que a propia marca nos proporcionou.  Estamos nos primeiros pasos:  calibración, mantemento, entendemento do funcionamento, tipos de filamentos...Pero o que realmente nos interesa é que os nosos alumnos deseñen en 3D;  algúns deles deran uns primeiros pasos co Blender, pero alumnos e profes logo de probar un programiña online gratuito chamado Tinkercad, decidimos que ese sería o noso programa de deseño 3D, e xa, imos empezar con el

Autodesk Tinkercad

Novos robots entran a formar parte do noso repertorio. A base é sempre a mesma, unha placa á que van conectados sensores que identifican distancias, cores, liñas, temperaturas... Estes novos robots os MII bot van sostidos en pezas semellantes ás Lego e a linguaxe de Programación "Crumble" esta baseada nunha vella coñecida, "Scratch", coa que levamos moito tempo traballando.

Os alumnos de 6º tirando de Manual para montar os novos Robots

Cunha programación moi simple baseada nun código binario (apagado e encendido) puxeron aos Mbot á liña co programa MBlock e malia que logo de tanto tempo apagados perderan forza, algúns fixeron aquilo para o que se programaron.

Aproveitamos as cadeiras de pá, os novos tripodes de tablets montados con tablet Lenovo e o micro Behringer B1, todo noviño do trinque, provinte dos Polos Creativos. Coa habilidade de Luis e Andrea para grabar, guionizar e interpretar elaborouse este origamititorial do cogumelo.

As lavandeiras da noite son personaxes mitolóxicas espalladas na tradición popular da península, especialmente polo Norte; son mulleres condenadas a lavar eternamente as roupas ensanguentadas dos seus miniños mortes.  Se as topas de noite no teu camiño e te invitan a retorcer, os alumnos de 6º xa saben que é mellor non negarse e retorcer no mesmo sentido ca elas, para que logo nada che pase.

A partir deste romance que a primeiros do século pasado se recolleu a unha cega en Folgoso (Cerdedo), ademais de cantalo, reestructuran o romance para xogar coa poesía por medio dun acróstico. ADIVIÑADE!!

É típico que cando os alumnos rematan a Primaria fagan unha excursión de varios días, é tamén típico que se organicen distintas actividades para conseguir financiación para a excursión, que como regra xeral, deseñan os adultos.

Neste caso DESAFIAMOS aos propios alumnos a que fosen eles mesmos os que buscasen a información que normalmente buscan os seus pais, para logo elixir un lugar onde realizar diversas actividades en grupo.

Pedimos axuda á nosa ANPA para que nos contase como facían eles para elixir un lugar e actividades.

E pouco a pouco foron elaborando as súas propostas. A primeira de Noa, Luís, Uxía e Iria

CANGAS DE ONÍS (ASTURIAS)

A Proposta de Nayara - Aitana - Antón...CABEZA DE MANZANEDA

"Un Samaín Inesperado" é un relato de terror que os alumnos de 5º elaboraron situándoo nunha illa que xurdiu da néboa do mar.

"Era unha noite de lúa clara", consistiu en facer o esforzo narrativo de a partir do romance da Lavandeira da noite, crear logo de coñecer a fondo o feito mitolóxico, novas historias. Estes son só dous dos productos que saíron do taller, a cargo de Marcos Patiño e Kenia del Río.

Outro dos clásicos recomendados polos alumnos de 6º. Desta vez Uxía Sanjorge.

Como en anos anteriores, efectivos da Policia Nacional de Marín, visitaron aos alumnos de 5º e 6º, nunha charla centrada no acoso escolar.

Este ano por mor da festa de San Miguel, unha das danzas de Espadas dos mariñeiros, a de Baiona veu visitar Marín. Da súa visita aprendimos que tódalas danzas de espadas son moi semellantes, pero así mesmo con diferencias, como as que teñen a de Marín e a de Baiona.

Nos nosos libros recomendados, un clásico que nos trae Aitana de 6º. Botádelle unha ollada na nosa Biblioteca!

A TV do Sequelo, por mor, da tradición local de San Miguel, entrevista a Jaime Rodríguez Pazos, que este ano, logo de moito tempo, deixa o seu posto de portaestandarte na procesión de San Miguel e na súa danza, e que ademáis é avó de dous exalumnos do centro.

Marcos Patiño de 6º recomenda porque o leu, este libro de Elvira Pérez