OS CURSOS DE 5º E 6º CONTINUARÁN CO PROXECTO E-DIXGAL (LIBROS ELECTRÓNICOS DO ENTORNO VIRTUAL DE APRENDIZAXE- EVA) NON HAI QUE MERCAR LIBROS DE TEXTO.

Hábitos de vida saudables

Estimadas familias:

Dende este luns 22 de maio ata o mércores 21 de xuño poden solicitar as axudas para libros de texto e material escolar de tres xeitos diferentes: 

    - Electrónica: na aplicación https://www.edu.xunta.gal/fondolibros/  e posteriormente presentar a solicitude en Sede Electrónica.

    - Presencial con asistencia da aplicación: cubrindo os datos na aplicación https://www.edu.xunta.gal/fondolibros/  , imprimindo os Anexos I e II producidos e presentándoos no centro, en horario de 9:05 a 9:50 horas, de luns a venres. Para entregar noutro horario chamar previamente ao 886151325.

    - Presencial manual: no noso centro. 

Poden recoller a solicitude en horario de 9:00 a 14:00 horas e presentala no horario establecido no apartado anterior.

Aqueles nenos/as que pasen para a ESO presentarana no Instituto onde están admitidos. 

Un saúdo, Ana Belén Mata Vidal (secretaria do CEIP Sequelo-Marín)

O pasado martes 9 de maio fomos ao campo de San Pedro, para practicar as diversas modalidades do atletismo en pista cos demais centros do concello de Marín. Pasámolo xenial!

O mes pasado adicámolo á saúde, o día 7 é o día mundial da saúde. Na área de Educación Física fixemos actividades relacionadas cos Primeiros Auxilios (RCP, queimaduras, feridas, golpes...) e cos elementos que debe ter un botiquín. Axudounos Ana, a mestra de prácticas e un amigo seu, experto neste tema. 

O martes 2 de maio foi escollido polos centros educativos do concello de Marín, non lectivo. 

O luns celébrase a festividade do maio, neste concello, na que participa alumnado do centro e que están tódolas familias convidadas.

Voltamos ó colexio o mércores 3 de maio.

Estimadas familias:

As solicitudes de admisión para este centro están todas admitidas. (Poden ver as listas no taboleiro da secretaría do centro)

O prazo para formalizar a matrícula é do 20 ao 30 de xuño adxuntando a seguinte documentación: formulario de matrícula, fotocopia do DNI dos proxenitores, do alumno/a, fotocopia da tarxeta sanitaria e 4 fotografías tipo DNI. 

O horario para entregar dita documentación será de luns a venres de 9:00 a 9:50. Se precisan vir noutro horario chamen ao centro para concertar unha cita.

Poden recoller os formularios no centro ou cubrilos a través da web admisionalumnado.

Moitas grazas.

Onte tivemos a sorte de que unha mamá técnico-forestal, viñese ao noso colexio para colocar dúas caixas-niño nas árbores que rodean o centro. Ademais tamén nos concienciou do coidado dos montes e dos pasos que debemos seguir se provocamos ou vemos un incendio. Recordounos que hai cámaras nos montes, lixo...

Previamente, os nenos/as de Infantil. fixeron uns comedeiros con laranxas. Esperemos que aniñen os paxariños!

Moitas grazas pola visita, aprendemos moito, seguiremos facendo mais comedeiros e coidaremos o monte.

Plantamos dentro do colexio, plantas ornamentais e na horta do colexio: cebolas, brócoli, coliflor e remolacha.  Regamos, sacamos as malas herbas e recollemos a coliflor e o brócoli para comer. Tamén lle puxemos os paus ós guisantes, que xa están florecendo! Temos as patacas tapadas con papel de xornal para que broten e plantarémolas. As semillas das cabazas tamén están desexando que as sementemos. 

 ABERTO O PRAZO DE ADMISIÓN DE NOVO ALUMNADO PARA O CURSO 2023/24

SOLICITUDES E PRAZO DE PRESENTACIÓN:

• O prazo para presentar a solicitude de admisión para o novo alumnado ábrese o día 1 de marzo e estenderase ata o 20 do mesmo mes.

• As solicitudes poderánse presentar presencialmente no centro, en Sede Electrónica ou ben a través do seguinte enlace: https://www.edu.xunta.gal/admisionalumnado/

• O impresos de solicitude pódense coller no colexio de 9:15 horas a 14:00 horas.

• Tamén poden descargar a solicitude de admisión ED550B no enlace: https://www.edu.xunta.gal/admisionalumnado/

• Para calquera dúbida poden enviar un correo ao noso centro (ceip.sequelo.marin@edu.xunta.gal) ou chamar ao teléfono 886151325.

   PRAZAS VACANTES CEIP SEQUELO-MARÍN

CURSO	PRAZAS VACANTES
INFANTIL	23
1º E. P.	11 (3 reservadas para alumnado NEAE)
2º E. P.	7
3º E. P.	10
4º E. P.	5
5º E. P.	3
6º E. P.	7

Normativa que regula o proceso de admisión:

• Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

• Orde do 21 de outubro de 2022, pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

Estimadas familias:

As reservas de matrícula que presentaron para este centro foron todas admitidas.

Mais adiante publicaremos as datas para a matrícula (xuño).

O xoves pasado os nenos/as de 3º curso foron a Portas.

Correron con outros nenos/as da súa idade no Campionato Provincial de Campo a través.

Noraboa!

SOLICITUDE DE RESERVA DE PRAZA PARA OS CENTROS ADSCRITOS

O alumnado de 6º curso de primaria pode solicitar a reserva de praza para o seu centro adscrito, que é o IES Illa de Tambo.

Asimesmo, o alumnado de 6º curso de Educación Infantil da EEI O Grupo pode solicitar a reserva de praza para o CEIP Sequelo.

O PRAZO É DO 16 DE XANEIRO AO 6 DE FEBREIRO DE 2023.

Para presentar unha solicitude deberán seguir algunha das opcións descritas no seguinte enlace:

Solicitude de reserva de praza para centros adscritos

LEXISLACIÓN APLICADA:

ORDE do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

Esta semana e parte da pasada, practicamos goalball, voleibol sentados, xogos sin visión e outros de toma de conciencia do sentido do oído. A finalidade destes xogos foi concienciar ao alumnado da realidade que vive unha persoa con discapacidade sensorial (visual e auditiva) ou física, experimentar e vivenciar os diferentes tipos de limitacións. Recordamos que o 3 de decembro celébrase o Día Internacional das persoas con Discapacidade. 

Onte o tempo permitiu celebrar a carreira de Campo a través, medirnos con compañeiros/as da mesma idade, reencontrarnos con antigos compañeiros/as, coñecer novos/as... Pasámolo xenial e o mellor de todo foi que no noso centro, tivemos varias nenas que quedaron de primeiras. Noraboa!!!

Deixo algunhas fotos da carreira.

A partires de mañá poderán recoller o vale de material escolar- ampliación na Secretaría do centro, en horario de 9:00 a 9:50 horas, de luns a venres.

Recordamos que só levará o vale o pai, nai ou titor/a legal ensinando o seu DNI. Tamén poden autorizar a outra persoa que traerá a autorización escrita xunto coa copia do DNI do pai, nai ou titor/a legal do alumno/a.

O prazo para recoller o cheque remata o 25 de novembro.

O VENRES OS ALUMNOS E ALUMNAS DE 5º E 6º CURSO POIDERON PRACTICAR CROSSTRAINING COS MONITORES DO XIMNASIO BLACKBULL DE PONTEVEDRA.

ESTA ACTIVIDADE OFRÉCESE NESE XIMNASIO PARA MAIORES DE 10 ANOS.

O SÁBADO TIVEMOS CASE TODOS MANIOTAS!

OS LUNS DE 16:00 A 17:00 HORAS NO PAVILLÓN DO SEQUELO, PRIMEIRO PRACTICARON OS NENOS/AS DO COLEXIO PARA ANOTARSE A ESTA ACTIVIDADE.

GRAZAS AOS XOGADORES DO BALÓNMÁN DE CANGAS POR ENSINARNOS XOGOS TAN DIVERTIDOS.