Daniel Quintana escolleu este poema da autora Gloria Fuertes para recitárnolo a todos ben acochadiño no sofá da casa.

Aló no remoto Ponteareas, onde nunca viron nin se oíu cousa coma ela, un par de rapaces o 3 de Maio, porque disque que en Ourense é o día que saen, fixeron este bonito maio vestido con fentos, pampullos e o que puideron atopar. Maio A Fenteira.

Breixo Vidal, Xoel Sequeiros, Martin Barreiro e Rubén Argibay traennos con estas Tristes Guerras a un dos poetas máis grandes da Literatura peninsular, Miguel Hernandez.

Roi Rodiño - Elva Pintos - Carlota Díaz - Breixo Sanjorge conxugáronse para recitar este poema cheo de encadeamentos de  Rafael Alberti.

Un ano moi productivo, onde os nenos aprenderon a como facer coplas de maio. En pequeno grupo ou de maneira individual moitos deles fixeron coplas de moi boa calidade como estas que vedes aquí.

Coplas de Maio 2020 by Josean Pazos on Scribd

Estes son algúns dos maios que o alumnado de 5º debuxou para o Concurso tan especial que este ano sacou o Ateneo Santa Cecilia. Non puido ser presencial coma outros anos, pero os nenos esmeráronse nos seus deseños

Tino, o noso expresidente da ANPA e a súa filla Sariña cántannos este maio tan singular con iluminación de seu.

Unha das cousas máis difíciles de facer son as coplas das embarcacións, e non só facelas senón que logo se poidan cantar. E que se poden cantar inda que con poucos ensaios amósanvolo Candela Bermúdez Santiago e Irene Pazos Estévez.

Elva Pintos Omil e Carlota Díaz Blanco fixeron este maio no que contaron coa axuda nos coros de Luz Omil, a nai de Elva, que como de pequeniña andivera nos maios sabía de que ía a cousa. E saíu así de ben.

Con todo o relax do mundo, dende a súa casa, Rubén Argibay Pidre fai un maio no que manifesta o seu cansanzo logo de tanto encerro e o seu desexo de volver ao colexio.

Na familia do pai de Breixo Sanjorge, xa dende un tío avó que antes da guerra andaba nos maios da Banda do Río, case se pode dicir que non hai ninguén que non fose a eles de pequeno. Na Banda do Río, no Forte ou como seu pai na rúa Caracol.

E para celebrar o día cántannos dúas coplas, unha ben antiga que fai referencia á bisavoa do neno e outra que cantaba o pai cando participara a finais dos setenta nos maios da rúa Caracol.

Roi Rodiño Fraguas e Breixo Sanjorge Boullosa escribiron a medias esta copla que un cantou cos toletes e o outro petando no chan ao estilo máis tradicional. Dous estilos diferentes de acompañar o maio. 

Irene Pazos Estévez é veterana no mundo dos maios e nótaselle. Ela de pequeniña xa fora aos maios de Marín cos seus compañeiros da Virxe do Carme e o que comparte segundo ela é noviño do trinque pois inda é de onte.

Xuntáronse Laura Arribas López e Carla Vilela Fernández, e convencéndoas aos poucos foron sacando esta copla e cantando así de ben o seu Maio Coitado.

Daniel Quintana Domínguez aproveitou o que tiña para construír o seu maio dos Valentes, unha mascarilla por aquí, uns Cds por alá.....E para a estrutura? Para a estrutura á arbore de Nadal!

Moito lles temos que agradecer aos de Algarabia Animación que nos mandasen estas curtas de animación que todas elas englobaron polo día das Letras Galegas de hai uns anos a serie coñecida como "A lingua animada"

Nesta caso a figura central é Rosalia de Castro

Ademais das curtas de tres delas enviáronnos tamén 3 unidades didácticas para todos aqueles de vos que vos queirades introducir no mundo do cine e das curtas de animación stop Motion con plastilina, onde Algarabía Animación son uns verdadeiros artistas.

Agora que tedes un fin de semana un pouco longo se algún se anima pode trastear un pouco con estas dúas ferramentas para facer animación dun xeito moi sinxelo

A primeira Stykz ven unicamente para Windows e Mac e a segunda é instalable en dispositivos móbiles (teléfonos e tablets). Os resultados son moi similares. Para o primeiro vas ter que instalar tamén o Quicktime player (Gratuito), un reproductor de Mac, o que che permitirá exportar a Animacion en formato de video (.mov)

Roberto Armada xa se animou e deixounos esta pequena curta:

Se de verdade queres entrar no mundo da animación  tes aqui dous titoriais destes divertidos programas.

STYKZ

 PIVOT ANIMATOR

A Alexandra o seu pai Carlos ensinoulle como cantar os maios.  Enseñoulle en dúas velocidades: unha rápida e esta máis axeitada a un maio, maio. Parabéns polo esforzo e polo ben cantado.

Xiana Gómez Orge e a súa familia cántanos este Coronamaio dende a súa casa. A Paco, o seu pai, faltalle un pouco de entrenamento pero o importante é intentalo.

O pai de Roi Rodiño Fraguas quixo estar connosco celebrando os maios e fixo esta copla do Maio Pequeniño.

Maio Pequeniño by Josean Pazos on Scribd