Como adianto ao proceso de adaptación a unha nova etapa que aos rapaces de Sexto lles vai tocar vivir o ano que ven visitamos un dos IES que temos no pobo. Así os rapaces coñeceron de primeira man as instalacións e recursos educativos que terán á súa disposición todos aqueles que opten polo centro Mestre Landín.

Se desexas, como pai, ter unha información mais detallada do centro, neste triptico que amablemente nos cederon a atoparás.

"O IES Mestre Landín é un centro que busca a formación integral dos seus alumnos en todas as áreas.

Pretendemos que os nosos alumnos, ao rematar os estudos de secundaria, sexan persoas formadas e equilibradas cun sólido bagaxe cultural, habituados ao deporte, cunha formación informática e artística destacable, e cun hábito de estudo e sistemática de traballo adquirida no noso centro, que lles permita acceder tanto ao bacharelato como a formación profesional ou ao mundo laboral coas máximas posibilidades de éxito"