Entrevista a cargo de Abel e Graciela na nosa Radio Televisión que non deixa de ser un pequeno resumo de todo o que nos veu contar José Luis Pereira sobre o seu proxecto solidario de reciclaxe de Bicicletas.  Moi agradecidos pola súa presenza no noso colexio.

O dia 13 de Febreiro celebramos o día Mundial da Radío e malia tela desmontada por mor das obras do centro, os alumnos de 5º foron quen de crear este podcast botando man da gravadora dixital.

Novos desafíos, novas aprendizaxes.  Aprenderon a mesturar audio e música no Adobe Audition utilizando o autoduck, de entre todos os proxectos que presentaron, eliximos este de Aitana.

Imaxinaron unha entrevista con Ángeles Alvariño, unha científica que por mor do microproxecto dos volcáns que levamos adiante, lles é de sobra coñecida.

Recompilación da proposta "Pensamento a flor de Rosalía" traballada para conmemorar o Día de Rosalía, o pasado 23 de febreiro de 2022.

Conmemoramos este día partindo do proposto pola Asociación de Escritoras e Escritores en Lingua Galega  #SementadePensamentos.

Os alumnos de 5º recitan anaquiños de poemas de Rosalía de Castro por mor do 24 de Febreiro.

A partir do poema de Cantares Gallegos "Adios Ríos, Adios Fontes", e aproveitando versos do mesmo e a temática rosaliana, os alumnos de 5º crearon un poema novo, baixo a forma dun acróstico, acróstico que se engloba no leitmotiv que propón para a celebración do día a Asociación de Escritores en Lingua Galega

A plasmación do poema en video (baixo a supervisión do titor) é cousa dos alumnos Marcos Patiño e Uxía Sanjorge, que ademais lle poñen voz.

ROSALÍA DE CASTRO

POEMAS E PENSAMENTOS

Polo día de Rosalía de Castro, 23 de febreiro,

os alumnos de 6º, recitan unha estrofa do seu poema "A Catedral".

Son uns versos adicados ao PÓRTICO DA GLORIA.

Inmersos xa no proxecto de EDUKASANO,

o Camiño Portugués nos leva ata a catedral de Santiago.

Rosalía vivía en Padrón e coñecía ben a cidade de Compostela.

PÓRTICO DA GLORIA

 FACHADA INTERIOR DA CATEDRAL DE SANTIAGO

--------------------------------------------------------------------------------

 Os compañeiros de 3º

puxeron música ao poema de 

ADIÓS RÍOS, ADIÓS FONTES

---------------------------------------------------------------------------------------

Os compañeiros de 5º traballaron as Cantigas.

Esta cantiga feita por eles é un exemplo do bos artistas que son.

 Cantiga De Rosalía 2022

Coloreamos pensamentos ,

a flor favorita de Rosalía.

Poema subtitulado 

"A Catedral"

Os nenos/as de 4º fíxemos unha pequena  biografía sobre a vida de Rosalía de Castro; esperemos que vos guste.

Os nenos de 4º quixeron mandar  unha marea de mensaxes en apoio as familias do Vila de Pitanxo. Dende o centro todo o noso apoio as familias as que queremos homenaxear coas mensaxes dos nenos/as.

ENTROIDO 

Chega o Entroido

ao noso Sequelo.

..............................................................................

     VENRES     

Venres para rematar

de invento ou 

de inventor virás.

........................................

                           O XOVES                          

Moito ollo boa xente,

mañán viredes 

con lentes.

 O MÉRCORES

Se te pos a investigar, 

unha bata has precisar.

 O LUNS

Esperta do teu sono

e pon na túa cara

un EMOTICONO   

Sen esquecer o proxecto de centro sobre 

os inventos,

iremos pensando nos seguintes días...

 MARTES

Se non queres dar pena,

trae na cabeza

unha antena.

...............................

…………………………………………………………….

A través dos 5 min. que dura este video, imos vendo o traballo realizado estes anos no Centro 

O 23 de febreiro de 1837 nacía en Santiago de Compostela Rosalía de Castro, figura eminente do Resurdimento da literatura galega, autora de Cantares Gallegos e de Follas Novas, entre outras obras. No seguinte Genially podedes coñecer os aspectos máis importantes da súa vida e obra de xeito interactivo. 

Recompilación das actividades realizadas para a conmemoración do Día da Paz. Enchemos os corredores de mandalas nas que deixamos as nosas mensaxes de Paz.

Actividade compartida coa EEI O GRUPO.

Hai inda cousas que nos quedaron pendentes e que iremos subindo pouco a pouco coma este curtiño programa de radio que sobre as tradicións máis nosas do Nadal elaboraron os rapaces de 5º.

Como cada ano chega o Nadal, e como cada Nadal chegan os concursos de Postais e contos que cada ano por estas datas, o Ateneo Santa Cecilia convoca. Algúns dos nenos do noso centro tiveron a sorte de seren premiados nel. Parabéns a eles e tamén aos que fixeron o esforzo de levar adiante unha postal ou unha narración e non tiveron tanta sorte.

PREMIADOS NO CONCURSO DE POSTAIS

CATEGORÍA B:  1º, 2º e 3º Primaria

2º PREMIO:  Álvaro Veiga Balagones.

PREMIADOS NO CONCURSO DE CONTOS

CATEGORÍA B:  3º e 4º de Primaria

3º PREMIO:  Darío Pereira Omil.

CATEGORÍA C:  5º e 6º de Primaria

1º PREMIO: Ramiro Bouza Berride.

2º PREMIO: Uxía Sanjorge Pesqueira.

3º PREMIO: Aarón Carracelas Castro.

  Un ano máis e grazas ao traballo da Coordinadora de EDLG do Morrazo chégannos estas recomendacións de lecturas. A nosa mascota da biblioteca, Birlo, xa lles botou unha ollada e asegura que atopou libros moi "chulos". Mesmo pensa que sería unha estupenda idea engadir algún título á carta que lle escribamos aos Reis Magos, a Papá Noel ou ao Apalpador.

Que mellor xeito de encetar un novo ano que lendo un bo libro!

*Fai doble clic no PDF adxunto para abrilo (ou na imaxe).

Como cada Nadal chegou o momento do tradicional "Concurso de Tarxetas de Nadal", este ano pedimos ao alumnado que procurasen integrar o tema do PDI "Inventos que cambian o mundo" nas súas tarxetas de felicitación, e como podedes comprobar captaron moi ben a idea.

Noraboa aos finalistas e gañadores e moitísimas grazas a todos  pola vosa participación, puxéstesllo realmente difícil ao xurado.

Conmemoramos o 3 de decembro o "Día Internacional das Persoas con Discapacidade" investigando un pouco sobre os inventos que facilitan a vida a estas persoas, seguindo co noso PDI "Inventos que cambian o mundo".

Con todos os que atopamos fixemos un gran mural, e aprendimos como todos estes inventos, descubrementos e tecnoloxías fan máis fácil que o día a día destas persoas; e a importancia de seguir investigando para que estas persoas melloren a súa calidade de vida.

Este ano conmemoramos o "Día Internacional da Eliminación da Violencia contra a Muller", alzando as nosas voces para construír un "Camiño en Violeta" cara á Igualdade e á NON Violencia. 

Alzamos as voces, enchendo os corredores coas nosas mensaxes, para non esquecer que o "Camiño en Violeta" témolo que construír día a día.

O pasado día 11, coincidindo coa tradicional celebración do San Martiño, celebramos o magosto no colexio. Foi un magosto diferente a outros anos. En lugar de xogos populares realizamos manualidades no patio, cada grupo burbulla no seu espazo. 

A ANPA AIDÓN foron os encargados de asar e repartir as castañas. 

Unha festa diferente, pero igualmente divertida, pasámolo xenial. Deixámosvos este vídeo para recordo.

Se queredes consultar información da man dos protagonistas mirade atentamente o vídeo da entrada anterior "Informativo Especial Magosto 2021".

Esperamos que o próximo curso xa podamos saír todos coa cara emborronada de carbón.