Todos os xoves de maio agardámosvos na biblioteca para botar unhas partidiñas. Xadrez, Dixit, xogos de construcción... todo preparado para pasar bos momentos de diversión na mellor compañía.
Animádevos a pasar tamén polas tardes pola nosa biblio.
Hoxe o alumnado de 1º e 2º disfrutou moito coa visita do contacontos Benxamín. E na biblio xa estamos preparando os apadriñamentos lectores que tanto nos gustan para celebrar o Día do Libro. Esta biblio non para!
Os nenos e nenas de 1° de primaria estamos levando a cabo o proxecto sobre alimentación saudable!
Primeiro analizamos os nosos pratos favoritos, aprendemos a interpretar a información da pirámide alimenticia, fixemos un concurso de merendas e ata fixemos un mural sobre o consumo de azucre na nosa vida cotiá!
Ademais, nas sesións de Educación física levamos un rexistro diario do consumo de bebidas e refrescos.
Recibimos a visita do alumnado de 5º para coñecer toda a información sobre o noso proxecto e contáronnos cousas moi interesantes que tamén aprenderon en Ciencias naturais!
O alumnado de 4º está a facer un traballo de investigación sobre o problema ambiental das minas de Sanfins. Para que vos fagades unha idea da problemática que afeta á nosa ría, deixamos aquí este bonito traballo audiovisual "A pinga e a lavandeira" realizado por O Centro de Saberes para a Sustentabiliade, Fundación Montescola, produtora cultural Axóuxere, o grupo Barahúnda e a Asociación Bubela de Abuín.
Un ano máis a nosa biblioteca presenta o Concurso de relatos curtos Manuel Fabeiro Gómez. Con el pretendemos fomentar e incentivar o valor da expresión escrita entre a nosa comunidade educativa; e por iso, animámosvos a todos e todas a que participedes e nos contedes algunha historia, anécdota ou ocorrencia que vos pase polo maxín. Só tedes que lembrar que debe facer referencia dalgún xeito a algunha civilizacion da historia, colleres un papel e un lapis e deixar que voe a vosa imaxinación.