Observa Accion

Colaboracións de futuro

No transcurso das sesións de reflexión, así como nos intercambios comunicativos posteriores, os equipos de ambos centros revisamos as ideas esbozadas no proxecto de colaboración, chegando á conclusión de que seguen a ser factibles e pertinentes (tan só invertemos a orde de realización entre a proposta a medio e longo prazo, dado que consideramos positivo que o alumnado se coñeza antes); propuxéronse 3 iniciativas:

1. Colaboración a curto prazo: trátase da realización dun programa de radio en formato podcast conxunto que, como se puido ver no apartado de "difusión" desta memoria, xa realizamos e presentamos como produto final. Ademais, é de acceso libre na rede, polo que contribuímos á difusión do programa Observa_Acción entre as nosas comunidades educativas.
2. Colaboración a medio prazo: consiste na realización de roteiros intercentros. Tanto o equipo do CEP Xose María Brea Segade como o do CEIP Plurilingüe de Carballedo consideramos que o paso natural a dar no futuro próximo é que o noso alumnado se coñeza. Así, barallamos a posibilidade de que durante o próximo curso poidamos viaxar e realizar actividades conxuntas; procurando elementos en común, estas actividades versarán sobre o respecto pola natureza e o medio ambiente, como participar das visitas ao proxecto Máis ca leña (Taragoña) ou nas Carbarutas (roteiros de sendeirismo; Carballedo). 
3. Colaboración a longo prazo: unha vez que as e os discentes se coñezan, temos previsto desenvolver propostas conxuntas; a primeira delas será unha colaboración musical, coordinada polos especialistas de ambos centros e apoiadas polos equipos docentes.