As plantas son seres vivos

1. As funcións vitais das plantas

As Plantas son seres vivos porque realizan as tres funcións vitais: 

-Nutrición

-Relación 

-Reprodución

2. Función de Nutrición

As plantas fabrican o seu propio alimento mediante un proceso chamado Fotosíntese

1. Na raíz

Absórbese a auga e os sales minerais que soben polo talo a modo de zume,  denominado ZUME BRUTO

O zume bruto, ascende ata as follas polos vasos leñosos.

2. Nas follas:

-O zume bruto chega ata as follas.

-Absórbese dióxido de carbono do aire.

3. Realización da fotosíntese:

Co dióxido de carbono, o zume bruto e a luz do sol, forman o ZUME ELABORADO que é o alimento da planta. Durante este proceso, despréndese osíxeno.

4. Polo talo o alimento chega a toda a planta polos vasos liberianos.

A fotosíntese é o proceso mediante o cal a planta elabora o seu alimento utilizando substancias que toman da terra, do aire (CO₂) e a enerxía que obteñen da luz do sol. 

As plantas tamén respiran

Todos os seres vivos respiran, toman osíxeno do aire e expulsan dióxido de carbono.

3. Función de Relación

As plantas tamén reaccionan ante os estímulos do ambiente, como a luz, a temperatura, a humidade... Aínda que non se poden desprazar adáptanse aos cambios. 

Reaccionan ante a luz

• Os xirasoles, oriéntanse cara a luz.

• Hai flores que se abren ou se pechan ao amencer ou ao anoitecer.

• As plantas medran cara a luz.

Reaccionan ante o contacto

• As plantas carnívoras, péchanse cando un insecto se pousa sobre elas.

Reaccionan ante a humidade

• As raíces medran cara onde hai auga.

Reaccionan ante as estacións

• Florecen na primavera, porque é cando  hai máis insectos que facilitan a polinización.
• Cáenlle as follas no outono que é cando hai menos horas de luz, é como se hibernaran

4. Función de Reprodución

Nas plantas atopámonos con dous tipos de reprodución:

• Reprodución Asexual, na que intervén un só proxenitor e dá como resultados individuos iguais, como as fresas, as patacas, un xeranio...

• Reprodución Sexual, nas que interveñen dous órganos reprodutores. Os fillos non son idénticos pero teñen características similares aos proxenitores.

Reprodución das plantas con flores é sexual porque interveñen os dous órganos: o pistilo (feminino) e os estame (masculino)

• Cando chega a primavera, despréndese o pole dos estames.
• POLINIZACIÓN - O pole chega ao pistilo doutra flor, grazas ao vento ou aos insectos.
• FECUNDACIÓN - O pole únese co óvulo e transfórmase nunha semente.
• Se a semente atopa as condicións de humidade e temperatura axeitadas xerminará unha nova planta.