Esquema de temas

  • RECOMENDACIÓNS PARA ESTES DÍAS

    Resúltanos a todos/as uns días novidosos, e necesitaremos uns días para coller o ritmo. Estas son algúns consellos para poñernos en marcha. 

    Clase de 6º ccnn- Establecede un horario de rutinas coa participación de todos/as.

    - As tarefas do cole deben facerse seguindo un horario preestablecido. Non estamos de vacacións, é necesario traballar de luns a venres

    - É importante marcar o horario que poden dedicar a TV, play, videoxogos. Con hora de inicio e hora de desconexión.

    - Todas e todos debemos colaborar nas actividades da casa dentro das  posibilidades de cada quen. 

    - Tempo aconsellado para dedicarlle á materia de ciencias: 40 minutos, 3 días á semana.

    PARTICIPA NO PROXECTO XOVES  DE CIENCIA que ten como fin difundir a ciencia de forma divertida

    TODOS OS XOVES 17.00 h a través do canal Youtube

     https://www.youtube.com/watch?v=zHX0ofdH87Q

    -Envía os traballos a salialvarezcarnero@gmail.com  para a súa revisión e seguimento

    -Enlace para unirse ás vídeo chamadas: https://eduxunta.webex.com/join/salial

  • Do 15 ao 19 de xuño

    Destacado

    Aprende xogando: actividade baseada no coñecido rosco de pasapalabra

    TAREFA: Crea o teu xogo de PASAPALABRA con vocabulario de Ciencias da Natureza de 6º

    1º Copia a táboa no caderno ou nun editor de texto.

    2º Busca unha palabra, no libro de ciencias, con cada letra do abecedario, pode "comezar con" ou "conter" esa letra

    3º Escribe a definición. As definicións teñen que estar sacadas do libro, debes intentar escribir algunha de cada unidade da 1 á 5 (servirache para repasar)

    4º Envía a táboa para revisión

    ROSCO CIENTÍFICO

    Estas son algúns exemplos, podes mantelas ou escribir outras. Copia a táboa no caderno ou nun editor de texto.

    LETRA

     OPCIÓN:

    Comeza por contén 

    		 DEFINICIÓN                               PALABRA páx. do libro
    A Comeza por Seres vivos que non son plantas, pero que realizan a fotosíntese e pertencen ao reino dos protoctistas ALGAS  14
    B
    C
    D
    E
    F      
    G
    H
    I
    L
    M
    N
    Ñ
    O
    P
    Q Comeza por Tipo de enerxía que conteñen os combustibles, os alimentos, as pilas QUÍMICA 88
    R
    S
    T
    U Comeza por Anfibios con cola e catro patas de tamaño similar como as píntegas URODELOS 29 
    V Comeza por Partículas diminutas que poden entrar nas nosas células, destruílas e propagarse a outras células. VIRUS 20
    X  
    Z Contén o Órgano que bombea o sangue para que chegue a todas as partes do corpo CORAZÓN 52

    EXTRA:  Proba a facer o teu propio ROSCO na aplicación educaplay > accede cunha coa conta de correo electrónico >crear actividad> Ruleta de palabras  > Segue as instrucións. Envía o enlace para revisión

    https://es.educaplay.com/

  • Do 1 ao 12 de xuño

    Enerxía si, pero con sentidiño. WebQuest

    conecta_el_sol.jpg

    Poderías vivir sen a enerxía?  Necesitamos  enerxía practicamente para todo: para iluminar a casa, as rúas, para o transporte, preparar alimentos... 

    Queremos saber que fontes de enerxía temos e como se transforman os recursos enerxéticos en electricidade? E... que pasa co medio ambiente como lle afecta o noso consumo de electricidade?

    Pica no seguinte enlace e realiza as tarefas consultando os recursos que se che proporcionan:

          Accede a  WebQuest  Enerxía si, pero con sentidiño. 

     

    Etiqueta: 1

  • 18 ao 29 de maio

    REFORZAMOS:

    -A materia é todo o que nos rodea, posee masa e ocupa un lugar no espazo.

    -Cada tipo de materia posúe unhas propiedades específicas; por exemplo: a densidade, a cor, a dureza, o viscosidade, a condutividade, etc., que teremos en conta  á hora de escollelas para determinados usos.

    -A materia podémola atopar en 3 estados: sólido, líquido e gasoso. A auga é a única substancia que se pode atopar, de forma natural, nos tres estados.

    A CLASIFICACIÓN DA MATERIA 

    A lectura das páxinas  85, 86 e 87  do libro, axudarache a comprender mellor esta clasificación, repara tamén nos debuxos. 

    A materia clasíficase en substancias puras e mesturas:

    AS SUBSTANCIAS PURAS

    Chamamos substancia pura a calquera material que estea formado por un só tipo de materia e non se pode descompoñer noutras substancias máis símples. Ten unhas propiedades propias que a identifican.

    MESTURAS

    Unha mestura é a combinación de dúas ou máis substancias puras, as súas propiedades dependen da súa composición. Así por exemplo a densidade dependerá da proporción na que se atopen os seus compoñentes.

    As mesturas poden ser homoxéneas ou disolucións e heteroxéneas. 

    Mesturas heteroxéneas. Son mesturas nas que os compoñentes poden distinguirse.

    Mesturas homoxéneas: Son mesturas nas que non  é posible distinguir os compoñentes.

    As mesturas homoxéneas ou  DISOLUCIÓNS  poden ser:

    -Disolución Gasosa - mestura de gases, como o aire

    -Disolución Líquida - mestura de líquidos ou dun sólido nun líquido, como a auga do mar, o leite con colacao.

    -Disolución sólida - mestura de sólidos, exemplos: o vidro, o papel;  e Aliaxes que son mesturas  nas que hai algún metal  como o bronce (cobre+estaño), o aceiro (ferro+carbono), o latón (cobre + zinc)


    materia 1

    ACTIVIDADES:

    1. Fai un esquema sobre a clasificación da materia

    2.  Di se as seguintes afirmacións son verdadeiras ou falsas e corrixe as que sexan falsas.

    a) Todas as mesturas son disolucións.

    b) Cando mesturamos  calquera líquido con auga obtemos unha mestura homoxénea.

    c) Ningunha mestura presenta un aspecto homoxéneo.

    d) O bronce é unha substancia pura

    e) O aire é unha disolución gasosa

    3. Clasifica as seguintes mesturas en  homoxéneas e heteroxéneas: auga salgada, o bronce, o zume de laranxa recién exprimido, unha ensalada mixta, o granito, colacao, o aire, o osíxeno, aquarius.

    4. Extra: MATERIAIS QUE CAMBIARON O MUNDO:  ACEIRO, O VIDRO E O PAPEL

    Ter é unha youtuber española que publica vídeos sobre arquitectura, materiais... Este vídeo contén información moi interesante relacionada con materiais que provocaron moitos avances na humanidade. Ter fala un pouco a présa e emprega unha linguaxe coloquial con algunha expresión, que espero obviedes e vos quededes coa información relevante.

    Despois de ver o vídeo:

    -Que tipo de aliaxe é o aceiro................... Que se lle engade ao aceiro para que sexa inoxidable?................... Que avances supuxo para a medicina? .........................

    -Como se chaman as persoas que traballan os metais? ...................... Anvances que supuxo o descubrimento do vidro: ................................

    -Cal é o compoñente principal do vidro? .................... Avances que proveñen do vidro a nivel científico: .......................

    - Por que supuxo unha revolución o uso do papel?

  • Do 4 ao 15 de Maio

    A materia e os seus usos

    PROPIEDADES ESPECÍFICAS DA MATERIA. 

    Continuamos coa materia. É necesario que dediques uns minutos á lectura do libro, páxinas 84 e 95. Fíxate tamén nas imaxes. 

    As propiedades específicas da materia, permítennos diferenciar uns tipos de materia de outros. Por iso uns materiais son máis axeitados que outros para determinados usos.

    thali_1378788310.jpg

    Algunhas propiedades específicas da materia son: 

    Elasticidade – Despois de dobralo ou estiralo, recupera a forma que tiña ao principio

    Fraxilidade – Cando é fácil de romper.

    Dureza – Cando é difícil de raiar, cortar, perforar

    Impermeabilidade – Se non deixa pasar líquidos

    Condutor da electricidade – Permite o paso da corrente a través del

    Illante – Cando non permite o paso da corrente eléctrica, do calor, do frío

    Comportamento ante a luz: Transparente que deixa pasar a luz e as imaxes

    Translúcido- deixa pasar a luz pero non as imaxes

    Opaco- non deixa pasar a luz nin as imaxes.

    A densidade é unha propiedade específica que relaciona a masa dun obxecto co volume que ocupa. Podemos calcular a densidade mediante a fórmula d= m/V, onde  "m" é a masa e mídese en kg, g e "V" é o volume e mídese en m3, en cm3  ou ml, As unidades son  kg/ m3 ,  g/cm3 ou g/ml,

    densidade

    A densidade é a cantidade de masa que hai nun determinado volume. Por exemplo:

    -A densidade do ouro é 19,3 g/ ml. Que significa que 1 ml (ou 1 cm3 ) de ouro, ten unha masa de 19,3 g.

    -A densidade da auga destilada é 1g/cm3 quere dicir que 1  cm3 de auga ou (1 ml) ten unha cantidade de materia de  1 g.

    CURIOSIDADE: Sabías que a nosa voz soa máis aguda cando inhalamos helio? A explicación científica é porque a Densidade do gas helio,  é menor cá do aire, e ofrece menos resistencia ao movemento das cordas vocais. Estas vibran + rápido e por iso  a nosa voz soa máis aguda.

    1 ACTIVIDADES

    -  Nomea distintos tipos de  obxectos que destaquen por cada unha das propiedades específicas. 

    Por ex. - Elasticidade: A goma que se pon na cintura dun pantalón, braga, calzón...  para que se axuste ao corpo.

    2 INVESTIGA o valor da densidade en g/cm3 da plata, do petróleo, o aceite, da auga salgada, xeo, ferro. Ordénaas de maior a menor empregando o signo maior que > 

    3 DESPOIS DE VER O VÍDEO:  Que problema se lle presenta a Arquímedes? ..................... Como o soluciona?

    4 PROBLEMAS DE DENSIDADE: Aplica a fórmula. Hai que dividir a masa entre o volume.

    NIVEL I

    - Carlota traballa nun laboratorio e quere calcular a densidade do aceite de 1 litro de aceite 930 g. Cal é a densidade do aceite? (Ollo neste problema tes que pasar litros a ml)   ................... g/ml

    NIVEL II

    - Que anaco de madeira de piñeiro será máis denso, un de 10 g ou outro de 150 g? (Razona, só hai que aplicar o concepto de densidade)

    NIVEL III

    - Nunha probeta de 45 g poñemos 10 cm3 de mercurio. Medimos a masa da probeta co mercurio e obtemos 181 g. Cal é a densidade do mercurio?  (Como calculas a masa do mercurio)

    - Os seguintes cubos, teñen o mesmo volume imaxina 1 cm3 (V= 1 cm x 1 cm x 1 cm) pero diferentes masas.

    Cal será máis denso e cal será menos?

    10g1.gif

    -A auga conxelada, ten menor densidade que a auga líquida, por iso flota. Cres que isto é importante para o mantemento da vida no planeta? ......... Por que?

    5 EXTRA: EXPERIMENTA. Escolle algún destes experimentos e xoga coas densidades.

  • Do 20 -27 de abril

    ATENCIÓN, PREGUNTA:  De que están feitas todas as cousas que nos rodean?

    24579041-materia-de-investigaci%C3%B3n-en-ciencias.jpgAo noso arredor hai moitos obxectos de distintas formas e cores, como as árbores, xoguetes, ordenadores, etc. Todos están formados por materia.

    Nalgúns casos non se pode ver esta materia como pasa por exemplo co aire que nos rodea. Claro que a luz e o sonido non son materia, non se poden tocar nin forman parte dos obxectos, son tipos de enerxía. 

    CONTESTA  ESTAS ACTIVIDADES NO CADERNO OU A TRAVÉS DUN PROCESADOR DE TEXTO (docx, drive doc, odt...) 

    Hai 9 actividades, dosifica, non se trata de facelas todas á présas  nun día. Envía para revisión de forma fraccionada, 3/4 exerciciospara axilizar a corrección.

    REALIZA UNHA LECTURA COMPRENSIVA DA  PÁXINA 84 DO LIBRO DE CCNN. Podes descargala no arquivo adxunto.

    Que é a materia? 

    1. Que é a materia? 

    Colle na casa diferentes obxectos, feitos con diferentes materiais e de usos diversos.

    2. Que usos teñen os obxectos que elixiches?

    3. Di que usos teñen materiais como a pedra, a madeira, o vidro, a tela o petróleo.

    4. Todos os obxectos que escolliches teñen masa? ....... , porque.....

    5. Todos os obxectos teñen volume? ............ , porque...........

    6. PROBETASSeguro que non tes probetas na casa, pero si vasos medidores, xiringas, xerras,.. Con que medirías...

         7.a- a dose dun xarope?

         7.b- o volume da auga dunha piscina?

         7.c- a cantidade de refresco dunha lata?

         7.d- a cantidade de xabón que usas para lavar as mans?

    Recorda as  equivalencias entre as unidades de volumen 

      1 ml = 1 cm3

      1 l = 1 dm3

      1 kl = 1 m3

    7. Se tes unha lata de refresco e a deformas, cambiará a masa?, cambiará o volume?

    drink-can-deformed-picture-id119584359?k=6&m=119584359&s=170667a&w=0&h=RXn9TxSg5cCrlqBkzoW0cJJFS2WctSo1h-Fj0qYOik8=

    8. INVESTIGA. Un astronauta está na Terra e logo viaxa a Lúa. A súa masa cambiará? Que cambia? Explica a resposta (no vídeo dos recursos adxuntos tes a resposta)

    22 de abril CELEBRAMOS O DÍA DA TERRA. 

    Os seres humanos, cos nosos malos hábitos, provocamos grandes cambios no contorno. Alteramos ecosistemas e extínguense especies, provocamos o cambio climático...

    Cada un de nós debemos comprometernos co noso planeta, conservándoo e coidándoo. Propóñovos para tal fin un taller de reciclaxe.

    Esta actividade está incluída na semana do Libro e da  Celebración do Día da Terra.

    Lectura online recomendada: Fred Quincalla, o nómade do mar" Teresa G. Costa. 

    9. RECICLA: Constrúe un robot empregando material de refugallo, documenta o proceso de elaboración e envíao para publicalo no blog #EuQuedoNaCasa

    Día da Terra. Recíclame Manualidades

    URL: 1 Cartafol: 1

  • Repasamos o tema da nutrición

    Do 13 - 17 de abril

    Repaso da Función de nutrición

    Estamos á espera de recibir novas instrucións para continuar co teletraballo durante este 3º trimestre.

    Repaso, reforzo e recuperación do traballo desenvolvido, adquisición das competencias clave.

    - Non contestedes ao chou, se dubidades, buscade no libro, é o xeito de aprender.

    1. Alimentos e nutrientes

    2. O aparato dixestivo

    3. O aparato respiratorio

    4. O aparato circulatorio

    5. O aparato excretor

    Recursos do ceiploreto.es. Autoría: Francisco J. Rodríguez San José

  • O EMBARAZO

    Semana do 30 de marzo ao 3 de abril

    OPCIÓN A- Prepara un traballo utilizando un procesador de textos, eu recomendo Google Drive>documentos ao rematar o traballo só tes que compartilo comigo para a revisión.

    OPCIÓN B-  Se non tes ordenador, podes facelo no caderno ou en folios, podes facer ti os debuxos e enviar fotos do traballo final. Obrigatorio escribir con boli.

    INSTRUCIÓNS:

    • Revisa a unidade, recorda que se non tes libro, poderalo atopar  neste curso da Aula virtual.
    • Completa a información que aparece en cada etapa do embarazo (con frases con sentido completo).  
    • Busca un título apropiado para o teu traballo e redacta o teu traballo.
    • Por suposto non vale copiar e pegar.
    • Dálle ao texto un formato atractivo e doado de ler (o tamaño mínimo da fonte debe ser de 12 puntos).
    • Inclúe algunhas imaxes como as que seguen.
    • Envía o traballo para a súa revisión

    O embarazo humano desenvólvese nas seguintes etapas:

    •  Primeiro trimestre. O desenvolvemento do embrión, o saco amniótico, placenta.

    •  Ás oito semanas, o embrión pasa a chamarse feto,  aspecto humano, como están os seus órganos, como obtén  o osíxeno e os nutrientes, que outras funcións ten a placenta. 

    •  Segundo trimestre. O feto e o esqueleto, movementos, tamaño.

    •  Terceiro trimestre. Desenvolvemento do feto, colocación no corpo da nai.

    •  O parto. Cando ten lugar, en que consiste o parto. 
    embarazo 1 e 2 trimestre    embarazo 3 e final trimestre

     TEST AUTOAVALIACIÓN:  A REPRODUCIÓN HUMANA 6º

    autoavaliación

    Valora os teus logros, sen estrés, nin agobios... Podédelo repetir se non quedas conforme co resultado obtido.  

  • Do 16 ao 27 de marzo

    CCNN- UNIDADE 4 A reprodución humana. 

    Dedica 40 min de traballo 3 días á semana

    LECTURA diaria: 20 minutos aprox. En diferentes formatos: libro de texto, internet, libros de animais, xogos, ver documentais…

    ACTIVIDADES ESCRITAS: 20 minutos aprox.

    Día 1-> Copia o esquema, á vez que aprendes os principais conceptos

    Día 2-> Completa os debuxos, tamaño folio, dos aparatos reprodutor masculino e feminino rotula os órganos que o forman, as glándulas e os condutos e sinal a función de cada un de xeito esquemático.

    Día 3> Pax 66, ex. 1, 3 e 4

    Día 4->LECTURA:  A PUBERDADE, páx. 69 e 74

     E contesta:

     Como te sentes ante os cambios que che están acontecendo?

    Cres que está cambiando a túa forma de pensar e a túa personalidade?

    Como te ves a ti mesma/o?Como ves ás túas compañeiras e compañeiros?

    Cres que a túa familia, mestres... te entenden?

    Que se podería mellorar?

    (Intenta ser realista coas túas respostas)

    Día 5-> Coa información  redacta no caderno un artigo  periodístico que poderías titular

    “Adolescentes. Así nos sentimos” ou “Adolescente, esa/e son eu!” 

     - Organiza a información:

     - Titulo (podes escribir ti outro)

     - Corpo do artigo

     - Estrutura a información en diferentes parágrafos.

     - Utiliza nexos, vocabulario da unidade, fíxate na ortogarafía, puntúa...

     - Podes escribir unha pequena guía que axude a afrontar os cambios desta etapa

     

    Ficheiro: 1 Páxina: 1