CEIP Víctor Sáenz |

PROXECTO ESCOLAR 12-13: A MULTICULTURALIDADE

Mar, 30/10/2012 - 13:32 — davifele

En coordinación entre a Comisión de Biblioteca e o Equipo de Normalización da Lingua Galega, escollimos para este ano como Proxecto Escolar 12-13, o tema da MULTICULTURALIDADE. Os diferentes cursos adicarán tarefas de aula a desenrolar proxectos adicados a esta temática durante todo o curso. Estes traballos tam´´en se verán reflexados nas diferentes actividades que se realizarán ao longo do curso: Nadal, Entroido, etc...

As titorías xa escolleron os países que van traballar: infantil: América; 1º e 2º: os esquimais; 3º: Culturas Orientais (China e Xapón); 4º: India; 5º: África e as Illas Canarias; e 6º: Rusia. Tamén solicitamos a algúns centros libros ilustrativos para levar adiante esta temática (por exemplo o C.E.I.P. de Louro).

SAMAÍN 2012

Ven, 26/10/2012 - 09:16 — davifele

O 31 de outubro, e días antes, celebraremos a festividade do SAMAÍN no colexio con diversas actividades. Entre elas o III CONCURSO DE RELATOS DE MEDO (organizado dende a comisión de biblioteca e o ENLG). Tamén a partir do luns día 29 comezará o CONCURSO DE CABAZAS como tódolos anos. Este ano en vez de levar a cabo obradoiros, teremos o visionado de películas para os diferentes ciclos sobre o medo. Xa temos no centro unha morea de cabazas, ben traballadas, para participar no Concurso de Cabazas 2012-2013, que se celebra no centro.

OBRADOIROS DE HABILIDADES SOCIAIS 3º CICLO PRIMARIA

Xov, 25/10/2012 - 10:54 — davifele

Os días 17 e 26 de outubro de 2012, leváronse a cabo no centro uns OBRADOIROS DE HABILIDADES SOCIAIS cos alumnos e alumnas de 5º e 6º de ed. primaria, organizados polo Equipo de Prevención de Drogodependencias e outras Condutas Adictivas da Asociación NERIA. Traballouse nestes obradoiros a AUTOESTIMA, a ASERTIVIDADE e a PRESIÓN DE GRUPO, saber dicir que non a través de xogos de rol. Eiquí tedes a todo o grupo cos traballos realizados. Pica nesta foto para ver máis.

SAÍDA DIDÁCTICA: PARQUE NATURAL FRAGAS DO EUME 28-09-12

Xov, 27/09/2012 - 19:51 — davifele

Como ben sabedes o curso pasado desenvolvimos no centro moitas actividades relacionadas co bosque. Unha das actividades que máis ilusión nos facía tanto aos ao alumnos como aos profesores era unha visita ás FRAGAS DO EUME, que tivemos que aprazala por motivos climatolóxicos. Esta vez si, e como di o refraneiro popular "Máis vale tarde, que nunca" a hora chegou. O venres día 28 de setembro, visitamos este Parque Natural cos alumnos de 2º e 3º ciclo de Ed. Primaria, saindo do centro ás 10 da mañá e regresando ás 16:30 da tarde. Fixemos unha visita-camiñata guiada polas fragas de 12:00 a 14:00 horas, e despois xantamos na alameda das fragas, bocatas e demais comida preparada polo comedor, voltando para o colexio e chegando ás 16:30 horas para que os alumnos colleran os buses de camiño a casa, como é habitual.