Axudas

Hoxe, 10 de xullo de 2024, publicouse no taboleiro do centro a listaxe definitiva de admitidos e excluidos no Fondo solidario de libros de texto e das axudas para libros e material escolar. Así mesmo, aquelas persoas que presentaron a solicitude por vía telemática poden consultar o estado da mesma accedendo á aplicación Fondolibros, mediante Chave365 ou certificado dixital.

Qué teño que facer se teño dereito a axudas para libros ou material?

A recollida dos vales pode realizarse en Administración de 10 a 13h entre o luns 15 e o venres o 19 de xullo (incluidos) ou nos primeiros días de setembro. Para coñecer onde poder empregalos, deixamos o listado de librerías participantes facilitado pola Consellería.

A listaxe de libros para o vindeiro curso xa está publicada (podedes acceder aquí) e as listaxes de material sairán a inicios de curso.

Pode recoller outra persoa os vales?

En caso de que non poida asistir a nai, pai ou titor legal e desexen designar a outra persoa deberán traer:

• Documento de autorización para a recollida do vale debidamente cuberto.
• Fotocopia do DNI do proxenitor/titor legal que asina a autorización.

E se me corresponden libros de fondo (3º e 4º EP)?

Os libros de fondo repartiránse nas aulas nos primeiros días lectivos de setembro.

Hoxe, 21 de maio, comeza o prazo para a presentación de solicitudes do Fondo solidario de libros de texto e as axudas para adquirir libros e material escolar.

Como presento a solicitude? 

• De xeito electrónico (unha solicitude individual para cada fillo/a): a través da aplicación fondolibros empregando a Sede electrónica. É preciso identificarse con Chave365 ou DNI electrónico.
• Presencial con asistencia da aplicación: cubrindo os datos na aplicación e imprimindo os Anexos I e II para presentación na Administración do centro.
• Presencial manual: cubrindo os anexos a man e presentándoos na Administración do centro.

Qué documentación teño que presentar?

• Anexo I e II cubertos e asinados.
• Copia do libro de familia.
• Sentenza ou convenio regulador (se separación ou divorcio).
• Se é o caso, a especificada no artigo 11 da convocatoria.
  
• Se hai oposición á consulta: DNI, NIE, acreditación de discapacidade expedida pola Xunta, acreditacións de pensión por incapacidade.
• Se non se marca o consentimento expreso para a súa consulta: declaracións de IRPF.

Toda a documentación deberá ser válida e eficaz no momento da súa presentación e reflectir a situación persoal, familiar e económica a 31 de decembro de 2022 agás cando unha sentenza de separación ou divorcio posterior atribúa a custodia exclusiva a unha das persoas proxenitoras, nos casos de violencia de xénero e nos casos de falacemento dalgunha das persoas proxenitoras. 

A administración poderá reclamar a presentación de documentación cando non sexa posible a verificación por vía telemática. 

Información sobre o procedemento

Onde presento a documentación se aínda non estou matriculado no centro?

O alumnado que non estea admitido nin coñeza en que centro vai estar escolarizado no curso escolar 2024-2025, deberá presentar a solicitude no centro no que está matriculado no curso 2023-2024.

Para dúbidas e consultas:

• Teléfono 881 880 447.
• Correo electrónico: administracion.ceip.vicente.otero@edu.xunta.gal
• Presencialmente en administración no horario:

             luns a venres: 9:30 - 11:00h e 12:30 - 14:00h 

             luns: 15 - 17h

Atópase publicada no taboleiro do centro a listaxe provisional de admitidos e excluídos do fondo libros e de vales de material para o curso 23-24.

As reclamacións poden efectuarse nos dous días hábiles seguintes a partires da publicación de dita listaxe, polo que os días para efectuar ditas reclamacións son o venres 7 e o luns 10 de xullo.

Atópase publicada no taboleiro do centro a listaxe definitiva de admitidos e excluídos do fondo libros e de vales de material para o curso 22-23.

Os vales de material e de libros poderán recollerse no centro do 18 ao 22 de xullo de 10:00h a 13:00h, sen cita previa ou nos primeiros días de setembro. Se vai recoller o vale unha persoa distinta á nai/pai ou titor legal débese autorizar a outra persoa cumprimentando o modelo adxunto.

Os libros do fondo serán entregados ao alumnado nos primeiros días de clase.

PRAZO DE PRESENTACIÓN: do 19 de maio ao 22 de xuño.

As solicitudes presentaranse:

-          Preferiblemente por vía electrónica no formulario normalizado ED330B (anexos I e II) dispoñible na aplicación:  https://www.edu.xunta.gal/fondolibros/

-          A través da sede electrónica da Xunta de Galicia  https://sede.xunta.gal.

-          A través do correo electrónico do centro ceip.vicente.otero@edu.xunta.gal

-          Por medio do alumnado a través do titor/a.

-          No centro pedindo cita previa no teléfono (881880447).

DOCUMENTACIÓN:

-          Anexo I e II debidamente cuberto dispoñibles  en https://www.edu.xunta.gal/fondolibros/ , no adxunto a esta publicación ou na conserxaría do centro.

-          Copia do libro de familia que conteña todas as páxinas da unidade familiar (pais e fillos/as).

          OUTRA DOCUMENTACIÓN:

-                -          En caso de separación ou divorcio, ademais deberán achegar a sentenza xudicial de separación ou divorcio e/ou                    convenio regulador onde conste a custodia do menor.

-          Certificado de discapacidade do/da alumno/a ou de calquera membro da familia non expedido pola Administración autonómica.

-          Documentación xustificativa da situación de violencia de xénero no ámbito familiar.

-          Resolución xudicial de incapacitación con patria potestade prorrogada ou rehabilitada.

-          Resolución administrativa ou xudicial acreditativa da situación de acollemento ou certificado do centro de menores, para alumnado en situación de tutela ou garda da Xunta de Galicia.

-           Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai ou a nai ou o/a titor/a ou titores/as carezan de DNI ou NIE.

Atópase publicada na cristaleira de entrada ao centro a Listaxe Provisional do fondo solidario e as axudas para adquirir libros de texto e material escolar para o curso 2021/2022.

O prazo de reclamacións son os días 12 e 13 de xullo.