E chegou o gran día! O 16 de febreiro os nenos e nenas do cole saíron á rúa para lucir os seus mellores disfraces que con tanto esforzo se prepararon durante as derradeiras semanas. E vendo o resultado podemos afirmar que foi todo un éxito!
O alumnado do noso cole foi o verdadeiro protagonista nesta xornada matutina chea de cor e brillantina.
Este foi un día moi importante para nós e para o noso centro porque encabezamos por primeira vez na historia do cole o desfile Infantil e os nervios eran moitos!
Unha xornada tan especial que ben seguro tardarán en esquecer.
Grazas a todos/as os que formamos parte da Comunidade Educativa do CEIP Plurilingüe das Vendas da Barreira, o desfile de Entroido deste ano foi alucinante!
O noso agradecemento tamén para aquelas familias que se involucraron co centro na confección e elaboración dos traxes e como non aos Concellos de Riós e en especial ao de Verín por facer que fose posíbel!