Traballo para o xoves 26 de marzo
Bo día! Antes de nada quería agradecervos toda a comunicación destes días, e todos os traballos e debuxos que me ides enviando. Hoxe comparto con vós estas cousas tan chulas fixeron Álvaro e Hugo, encántanme!
A proposta para hoxe é a seguinte:
Lingua: o sábado foi o día da poesía e, por iso (como sei que vos encanta ler poemas), gustaríame que escollerades un que vos guste (pode ser de Rosalía de Castro ou doutro autor galego) e que vos gravarades nun audio. Ao igual que o facemos na clase, primeiro lémolao varias veces en silencio e en baixiño para practicar a entoación e despois xa o facemos en alto.
Se vos animades e podedes, agraderíavos que mas enviarades para compartilas con vós e que vos escoitarades uns aos outros.
Aquí tedes algúns poemas: https://www.xuliocs.com/Esquisa/cancgalgs.htm
Ciencias Sociais: en ciencias imos dar un paseo polos oito planetas do sistema solar. Seriades capaces de dicir os seus nomes ordenados segundo a distancia á que se atopan do sol antes de ver o vídeo?
https://www.youtube.com/watch?v=pS7p6FfU4bE&t=139s
Unha vez o fagades, por que non facemos unha pequena maqueta do sistema solar? Sei que non temos moitos materiais, por iso vos pido que sexades o máis creativos posibles. En vez de facer un debuxo podemos facelos con pedras ou tapóns pintados, un móbil… Acordádevos de ordenalos correctamente, e de que Plutón xa non se considera un planeta.
Aquí tedes algunhas imaxes para que collades ideas:
https://www.pinterest.es/pin/491455378090526274/
https://www.pinterest.es/pin/450571137710685587/
https://www.pinterest.es/pin/628392954234783832/
Podedesme mandar fotos do resultado!
Matemáticas: para rematar, en mates, traballaremos o sentido da multiplicación. Aquí tedes uns xogos, unha ficha e actividades en Snappet.
Xogos:
Agardo que todos estas propostas sexan de utilidade. De novo, se precisades algo a maiores facédemo saber.
Pasade un bo día!
